شارۋالارعا ديزەل وتىنى ارزانداتىلعان باعامەن بەرىلەدى

«پرەزيدەنتتىڭ قازاقستان حالقىنا جولداۋى اياسىندا شارۋالاردى قولايلى باعامەن جانار-جاعارماي ماتەريالدارىمەن قامتاماسىز ەتۋ جۇمىسى جۇرگىزىلەدى. بۇگىنگى كۇنى كوكتەمگى ەگىس جۇمىستارىن ۋاقىتىلى جانە تۇراقتى جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرىنە مۇناي وڭدەۋ زاۋىتتارىندا 1 تونناسىنا 212 مىڭ تەڭگە باعامەن 400 مىڭ توننا ديزەل وتىنى ءبولىندى. بۇل وڭىرگە بايلانىستى بولشەك ساۋدا باعاسىنان ورتا ەسەپپەن 15-30%-عا تومەن», دەدى ەنەرگەتيكا ءمينيسترى بولات اقشولاقوۆ ۇكىمەت وتىرىسىندا.

بۇعان دەيىن ب. اقشولاقوۆ جىل باسىنان بەرى ەلىمىزدە 22 ملن توننا مۇناي وندىرىلگەنىن ايتقان بولاتىن. قاڭتار-ناۋرىز ايلارىندا 17,6 ملن توننا مۇناي ەكسپورتتالعان.

سونىمەن بىرگە قازاقستاننان بەنزين, ديزەل وتىنىن جانە مۇناي ونىمدەرىنىڭ باسقا دا جەكەلەگەن تۇرلەرىن ەلدەن شىعارۋعا سالىنعان تىيىم تاعى 6 ايعا ۇزارادى.

ايانا توعانبەك