پەتروپاۆل اكىمى بولات جۇمابەكوۆ سولتۇستىك قازاقستان وبلىسىنىڭ ورتالىعىن قىزىلجار دەپ اتاۋ ۇسىنىلعان پەتيتسياعا قاتىستى پىكىر ءبىلدىردى, دەپ حابارلايدى Egemen.kz.
پەتيتسيا egov.press سايتىندا جاريالاندى.
قازىرگە دەيىن ونى 25 مىڭنان استام ادام قولداعان, 14 مىڭ ادام قارسى بولعان. سوعان بايلانىستى قالا اكىمى بولات جۇمابەكوۆ الەۋمەتتىك جەلىدەگى پاراقشاسىندا پەتروپاۆل قالاسىنىڭ اتاۋىن وزگەرتۋ تۋرالى ونلاين-پەتيتسيانى جاقتاۋشىلار مەن قارسى ادامدار اراسىندا پىكىرتالاس ءجۇرىپ جاتقانىن جازدى.«بۇل پەتيتسيانى جەكە تۇلعا مەملەكەتتىك ەمەس سايتتا جاساعانىن اتاپ وتكىم كەلەدى. مەملەكەتتىك ورگانداردىڭ بۇل باستاماعا ەشقانداي قاتىسى جوق. قالا اكىمدىگىنىڭ كۇن تارتىبىندە قالانى قايتا اتاۋ تۋرالى ماسەلە كوتەرىلمەگەنىن رەسمي تۇردە مالىمدەيمىن. بۇل ماسەلە تۋىنداعان جاعدايدا دا, ول ءبىزدىڭ قالامىزدا تۇراتىن حالىقتىڭ پىكىرىن ەسكەرىپ, ەلدىڭ ونوماستيكا سالاسىنداعى قولدانىستاعى زاڭناماسىنا سايكەس جۇرگىزىلەدى», دەدى قالا اكىمى.
سول سەبەپتى ول ازاماتتاردى ءوزارا قۇرمەت كورسەتۋگە جانە الەۋمەتتىك جەلىدە پىكىر جازۋ بارىسىندا جاۋاپكەرشىلىكتى ۇمىتپاۋعا شاقىردى.
«ەل پرەزيدەنتى قازاقستان حالقىنا جولداۋىندا «جاڭا قازاقستاندا ءبىز ءاردايىم ء«ار ءتۇرلى كوزقاراس, بىراق ءبىرتۇتاس ۇلت» قاعيداتىن ۇستانۋىمىز قاجەت» دەپ ايتقان بولاتىن. ءبىزدىڭ قالامىزدىڭ تۇرعىندارى پرەزيدەنتپەن بىردەي پىكىردى ۇستانىپ جانە ءبىز ءبىر-بىرىنە جوعارى مادەنيەت تانىتاتىنىنا سەنىمدىمىن», دەپ تۇيىندەدى ول.