قىزىلوردادا 10 كەلى ەسىرتكى تاسىمالداعان ورال قالاسىنىڭ تۇرعىنى ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
قىزىلوردا وبلىسى پوليتسيا دەپارتامەنتىنىڭ پاترۋلدىك پوليتسيا روتاسىنىڭ ينسپەكتورلارى 9 ءساۋىر كۇنى ساعات 04:50-دە سامارا – شىمكەنت تاس جولىنىڭ 1 356 شاقىرىمىندا پاترۋلدەۋ كەزىندە جول قوزعالىسى ەرەجەسىن بۇزعان جەڭىل كولىكتى توقتاتقان.
قۇقىق بۇزۋشىلىق بويىنشا اكىمشىلىك حاتتاما راسىمدەۋ بارىسىندا كولىكتىڭ جۇك سالعىشىنان جولاۋشىعا تيەسىلى قاپقا سالىنعان ەرەكشە ءيىسى بار ءشوپ ۇنتاقتارى انىقتالدى. ساراپتاما قورىتىندىسىنا سايكەس, انىقتالعان زات سالماعى 10 كەلى 160 گر كەپتىرىلگەن ماريحۋانا ەكەنى بەلگىلى بولدى, بۇل اسا ءىرى مولشەرگە جاتادى.
كۇدىكتى ۋاقىتشا ۇستاۋ يزولياتورىنا قامالدى. ونىڭ ورال قالاسىنىڭ تۋماسى ەكەنى انىقتالدى. اتالعان دەرەك بويىنشا قر قك-ءنىڭ 297-بابىمەن (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە.