سەمەي قالاسىندا ءبىر اپتادا ايىپپ ۇلىن تولەمەگەن 93 جۇرگىزۋشىنىڭ كولىگى ارنايى تۇراققا قويىلدى, دەپ حابارلايدى Egemen.kz قالالىق پوليتسيا باسقارماسىنىڭ ءباسپاسوز قىزمەتىنە سىلتەمە جاساپ.
سوڭعى اپتادا شاھار اۋماعىندا ءتارتىپ ساقشىلارى, جەكە سوت ورىنداۋشىلارى جانە پروكۋراتۋرا وكىلدەرىنىڭ قاتىسۋىمەن «ايىپپۇل تولە» شاراسى وتكىزىلدى.
«سونىڭ اياسىندا پوليتسيا قىزمەتكەرلەرىنە ايىپپۇل بويىنشا 57 767 279 تەڭگە قارىزى بار 3826 ادامنىڭ ءتىزىمى جولداندى.
رەيد بارىسىندا 1,1 ملن تەڭگەدەن اساتىن 110 اكىمشىلىك ايىپپۇل ءوندىرىلىپ الىندى. جەكە سوت ورىنداۋشىلارىنا جالپى سوماسى 3 767 122 تەڭگەنى قۇرايتىن 226 قاۋلى جىبەرىلدى», دەپ حابارلادى ۆەدومستۆو وكىلدەرى.
اپتا ىشىندە اكىمشىلىك قۇقىق بۇزۋشىلىقتار بويىنشا كوپ مولشەردە بەرەشەگى بار 93 جۇرگىزۋشىنىڭ اۆتوكولىگى ارنايى تۇراققا قويىلدى.