8-نەن 9-شى ساۋىرگە قاراعان ءتۇنى نۇرسۇلتان, اقتاۋ, كوكشەتاۋ جانە بالقاش قالالارىنىڭ انىقتاما قىزمەتتەرى مەن اۋەجايلارىنىڭ ەلەكتروندىق مەكەنجايلارىنا حابارلاما كەلىپ ءتۇستى. وندا ۇشاقتىڭ بورتىنا جارىلعىش زات ورناتىلعانى تۋرالى ەسكەرتىلگەن, دەپ حابارلايدى Egemen.kz.
قر تەرروريزمگە قارسى ورتالىعى وقيعا ورنىنا العاشقى ارەكەت ەتۋ كۇشتەرى جىبەرىلگەنىن اتاپ ءوتتى. بورتتى تەكسەرۋ بارىسىندا جارىلۋ قاۋپى بار زاتتار مەن جارىلعىش قۇرىلعىلار تابىلعان جوق.
قۇقىق قورعاۋ ورگاندارى جاسىرىن قوڭىراۋلار فاكتىلەرى جانە انىقتالعان ەلەكتروندىق مەكەنجايلار بويىنشا جەدەل-ىزدەستىرۋ ءىس-شارالارىن جۇرگىزەدى, جالعان حابارلاما اۆتورلارىن انىقتايدى.
اتالعان فاكتى بويىنشا قر قىلمىستىق كودەكسىنىڭ 273-بابى "تەرروريزم اكتىسى تۋرالى كورىنەۋ جالعان حابارلاۋ" بويىنشا سوتقا دەيىنگى وندىرىستىك ءىس قولعا الىندى (بەس مىڭ ايلىق ەسەپتىك كورسەتكىشكە (اەك) دەيىنگى مولشەردە ايىپپۇل سالۋعا نەمەسە سول مولشەردە تۇزەۋ جۇمىستارىنا نە بەس جىلعا دەيىنگى مەرزىمگە باس بوستاندىعىن شەكتەۋگە نەمەسە سول مەرزىمگە باس بوستاندىعىنان ايىرۋ جازاسى قاراستىرىلادى).