شىعىس قازاقستان وبلىسىنىڭ التاي-كۇمىستاۋ تەمىرجول ۋچاسكەسىندە جۇك تيەلگەن 5 ۆاگون رەلستەن شىعىپ كەتتى, دەپ حابارلايدى Egemen.kz «قازاقستان تەمىر جولى» ۇلتتىق كومپانياسىنىڭ رەسمي سايتىنا سىلتەمە جاساپ.
«2022 جىلعى 8 ساۋىردە 10 ساعات 35 مينۋتتا شىعىس قازاقستان وبلىسىنىڭ التاي - كۇمىستاۋ تەمىرجول ۋچاسكەسىندە جۇك پويىزىنىڭ 5 ۆاگونى رەلستەن شىعىپ كەتتى. ۆاگوندار تسەمەنت تاسىمالداعان.
ءبىر ۆاگون «كۋزباسسترانستسەمەنت» جشق (رەسەي فەدەراتسياسى) مەنشىگى بولسا, قالعانى «كاسپي تسەمەنت» جشس-گە (قازاقستان رەسپۋبليكاسى) تيەسىلى. قۇرام 28 كم/ساع جىلدامدىقپەن ءجۇرىپ كەلە جاتقان», دەپ جازىلعان سايتتا.
«قتج»ۇك» اق دەرەگى بويىنشا, وقيعا سالدارىنان ەشكىم زارداپ شەكپەگەن.
جولاۋشى پويىزدارى مەن جۇك پويىزدارىنىڭ كىدىرىسى بولعان جوق. قازىر ۋچاسكەنى قالپىنا كەلتىرۋ جۇمىستارى جۇرگىزىلىپ جاتىر. ۆاگونداردىڭ رەلستەن شىعۋ سەبەبى انىقتالۋدا.