8 ساۋىردە قاپشاعاي قالاسىندا جاس جۇبايلار اسۋلى كۇيىندە تابىلدى. جىگىت 22 جاستا بولسا, ال جاس كەلىن نەبارى 18 جاستا, دەپ حابارلايدى Egemen.kz الماتى وبلىسى پد ءباسپاسوز قىزمەتىنە سىلتەمە جاساپ.
«ەرلى-زايىپتىلاردىڭ (22 جاستاعى جىگىت پەن 18 جاسار قىز) مايىتتەرى 8 ساۋىردە قاپشاعاي قالاسىندا قالالىق جانار-جاعارماي بەكەتتەرىنىڭ بىرىنە جاقىن ماڭنان تابىلدى. جابىرلەنۋشىلەر اسۋلى تۇردى. سىرتتاي تەكسەرۋ كەزىندە زورلىق-زومبىلىق بەلگىلەرى تابىلعان جوق, سوندىقتان ەرلى-زايىپتىلار ءوز-وزدەرىنە قول جۇمساۋى مۇمكىن دەپ بولجام جاساۋعا بولادى», دەلىنگەن حابارلامادا.
قازىرگى ۋاقىتتا اتالعان فاكت بويىنشا بارلىق ءمان-جايلار انىقتالىپ جاتىر. تۇپكىلىكتى پروتسەسسۋالدىق شەشىم سوت-مەديتسينالىق ساراپتاما ناتيجەلەرى بويىنشا قابىلداناتىن بولادى.
تەرگەۋ مۇددەسى ءۇشىن تولىعىراق اقپارات جاريا ەتۋگە جاتپايدى.