2021 جىلى قازاقستاننىڭ 628 ەلدى مەكەنىندە ينتەرنەت ساپاسى جاقسارتىلدى. بيىل تاعى دا 140 اۋىلدا وسىنداي جۇمىستار جۇرگىزىلمەك, دەپ حابارلايدى Egemen.kz تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ Facebook پاراقشاسىنداعى جازباعا سىلتەمە جاساپ.
«كەشە مەملەكەت باسشىسى قاسىم-جومارت توقاەۆقا مينيسترلىكتىڭ بىلتىرعى اتقارعان جۇمىستارىنىڭ قورىتىندىسى, پرەزيدەنت تاپسىرمالارىنىڭ جۇزەگە اسىرىلۋى, تسيفرلاندىرۋ جانە IT سالاسىنىڭ دامۋ پەرسپەكتيۆاسى جونىندە ەسەپ بەردىم.
وسى باعىتتاعى جۇمىستارعا توقتالساق, ەڭ قاجەتتى 18 قۇجاتتى تسيفرلىق نۇسقاعا اۋىستىردىق, 2021 جىلى بۇل قىزمەتتەردى 32 ملن ادام العان. جەكە دەرەكتەردى قورعاۋ شارالارىن مىندەتتى تۇردە ساقتاي وتىرىپ, مەملەكەتتىك تسيفرلىق سەرۆيستەردى سىرتقى پلاتفورمالارعا شىعارىپ جاتىرمىز (مىسالى, Kaspi/Halyk). بىلتىر 70 ملن ونلاين قىزمەت كورسەتىلگەن, سونىڭ ىشىندە 20 ملن #eGovMobile قوسىمشاسى ارقىلى ۇسىنىلدى», دەدى مينيستر.
ونىڭ ايتۋىنشا, پرەزيدەنت تاپسىرماسىنا سايكەس ۇيالى بايلانىس وپەراتورلارىنا قاتىستى باقىلاۋ شارالارىن كۇشەيتۋ جانە بايلانىس ساپاسىن ولشەۋدىڭ جاڭا الگوريتمدەرىن قولدانۋ ارقىلى «تسيفرلىق تەڭسىزدىكتى» جويۋ جۇمىستارى ءجۇرىپ جاتىر. 2021 جىلى 628 ەلدى-مەكەندە ينتەرنەت ساپاسى جاقسارتىلسا, بيىل تاعى دا 140 اۋىلدا وسىنداي جۇمىستار جۇرگىزىلمەك.