يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتى توراعاسىنىڭ ورىنباسارى بولىپ جولماعامبەتوۆ تۇرار ءبيبىت ۇلى تاعايىندالدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
تۇرار جولماعامبەتوۆ 1987 جىلى 23 ناۋرىزدا قىزىلوردا وبلىسىنىڭ جاڭاقازالى قالاسىندا دۇنيەگە كەلگەن.
2009 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا ءتامامداسا, ال 2010 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ ماگيستراتۋراسىن ءبىتىردى.
ەڭبەك جولىن 2010 جىلى «بايقوڭىر جاستارى» جاستار قوعامدىق بىرلەستىگىنىڭ توراعاسى بولىپ باستاعان.
ءار جىلدارى «قازاقستاندىق يندۋستريانى دامىتۋ ينستيتۋتى» اق-دا تاۋ-كەن مەتاللۋرگيا كەشەنى ورتالىعىنىڭ باس ساراپشىسى, كەيىن سالالىق دامۋ ورتالىعىنىڭ ديرەكتورى بولدى. 2019 جىلى «قازاقستاندىق يندۋستريا جانە ەكسپورت ورتالىعى» اق باسقارما توراعاسىنىڭ ورىنباسارى بولىپ تاعايىندالدى.
يندۋستريالىق دامۋ كوميتەتى توراعاسىنىڭ ورىنباسارى بولىپ تاعايىندالعانعا دەيىن «قاينار-ا» جشس باس ديرەكتورى قىزمەتىن اتقاردى.