نۇر-سۇلتاندا پرەمەر-مينيستر ءاليحان سمايىلوۆتىڭ توراعالىعىمەن داعدارىسقا قارسى شارالار جونىندەگى جەدەل شتابتىڭ كەزەكتى وتىرىسى ءوتتى, دەپ حابارلايدى Egemen.kz primeminister.kz-كە سىلتەمە جاساپ.
وتىرىسقا قاتىسۋشىلار قىتايمەن شەكارادا جۇكتەردىڭ ءارى-بەرى وتۋىنە قاتىستى ماسەلەنى تالقىلادى.
قازىرگى تاڭدا قازاقستان-قىتاي شەكاراسىندا بەس اۆتوموبيل جانە ەكى تەمىرجول وتكىزۋ پۋنكتى, سونداي-اق «قورعاس» شىحو» اق كەدەن بەكەتىنىڭ جۇك تەرمينالى جۇمىس ىستەيدى.
اۆتوموبيل كولىگى بويىنشا بيىلعى ءۇش ايدا وتكەن جىلدىڭ سايكەس كەزەڭىمەن سالىستىرعاندا كولىك قۇرالدارىنىڭ سانى 123%-عا (6,3-تەن 14,0 مىڭ كق-عا دەيىن) وسكەن.سونىمەن قاتار كەدەندىك قۇن يندەكسى (كقي) جانە كەدەندىك تولەمدەر يندەكسى (كتي) بويىنشا وڭ ديناميكا بار: كقي كورسەتكىشى 75%-عا ءوستى (قحر-دان يمپورتتالاتىن تاۋارلار بويىنشا 1 كگ ءۇشىن 4 دوللاردان 7 دوللارعا دەيىن), كتي كورسەتكىشى ەكى ەسە – 264 تەڭگەدەن 561 تگ/كگ دەيىن ءوستى.«نۇر جولى» شەكاراداعى وتكىزۋ پۋنكتىنە كەلەر بولساق, تاۋار تاسىمالداۋدى ۇيىمداستىرۋشى رەتىندە جۇمىسىن باستاعان «KTZ Express» اق ارقاسىندا ونىڭ وتكىزۋ قابىلەتى كۇنىنە 10-نان 47 اكق-عا دەيىن ارتتى. بۇل ورايدا ءبىر تاسىمال قۇنى $4500-دەن $2050 دەيىن تومەندەدى. قولما-قول اقشالاي ءوزارا ەسەپ ايىرىسۋ الىنىپ تاستالدى, بۇل قاراجاتتى كولەڭكەلى اينالىمنان شىعارۋعا مۇمكىندىك بەردى. سونىمەن قاتار ەلەكتروندىق كەزەك بويىنشا پيلوت ىسكە قوسىلدى.«قورعاس» شىحو-دا جىل باسىنان بەرى ارنايى كران ارقىلى 61 كق اۋىستىرىپ تيەلدى. بۇل رەتتە تاريف ەكى ەسەگە تومەندەتىلدى.وتىرىس بارىسىندا وتكىزۋ پۋنكتتەرىندە كەپتەلىس جوق جانە جاعداي تۇراقتى ەكەندىگى اتاپ كورسەتىلدى.
ءاليحان سمايىلوۆ ستاتيستيكالىق سايكەسسىزدىكتەردى بولدىرماۋ ءۇشىن ءتيىستى ۆەدومستۆولارعا يمپورت پەن ەكسپورتقا قاتىستى دەرەكتەردى وزەكتەندىرۋدى, سونداي-اق وتكىزۋ پۋنكتتەرىندە مكك, ۇقك شق جانە قتج-ەكسپرەسس ۆەدومستۆوارالىق ءوزارا ءىس-قيمىلىن كۇشەيتۋدى تاپسىردى.
سونداي-اق بىرقاتار وزەكتى ماسەلە تالقىلاندى.