دۇنيەجۇزىلىك دەنساۋلىق ساقتاۋ ۇيىمىنىڭ اپتا سايىنعى ەپيدەميولوگيالىق بيۋللەتەنىنە سايكەس الەمدە COVID-19 اۋرۋىن جۇقتىرۋ كورسەتكىشى ەكىنشى اپتا قاتارىنان تومەندەپ كەلەدى, دەپ حابارلايدى Egemen.kz اتالعان ۇيىم تاراتقان اقپاراتقا سىلتەمە جاساپ.
سوڭعى اپتادا ينفەكتسيا جۇقتىرعاندار سانى 16%-عا, ال قايتىس بولعاندار 43%-عا ازايعان.
28 ناۋرىز بەن 3 ءساۋىر ارالىعىندا كوروناۆيرۋسپەن اۋرۋ الەمنىڭ بارلىق ايماقتارىندا تومەندەدى. ءبىر اپتا ىشىندە الەمدە 9 ميلليوننان استام COVID-19 وقيعاسى انىقتالدى.
ءبىر اپتادا الەمدە COVID-19 ينفەكتسياسىنان 26 مىڭنان استام ادام قايتىس بولعانى تىركەلدى.
ايتا كەتسەك, ىندەت باستالعاننان بەرى الەمدە كوروناۆيرۋس ينفەكتسياسىن جۇقتىرۋدىڭ 489 ميلليونعا جۋىق جاعدايى انىقتالىپ, سونىڭ سالدارىنان 6 ميلليوننان استام قايتىس بولعان.