شىعىس قازاقستان وبلىسىندا وبلىستىق ءماسليحاتتىڭ كەزەكتەن تىس XIV سەسسياسى ءوتىپ, وندا اباي ءوڭىرىن قۇرۋ جوسپارى تانىستىرىلدى, دەپ حابارلايدى Egemen.kz.
جوسپار بويىنشا قۇرىلاتىن اباي وبلىسى اۋماعى - 185,5 مىڭ شارشى شاقىرىم. وبلىس حالقىنىڭ سانى - 638 مىڭ ادام.
اباي وڭىرىنە وبلىستىق ماڭىزى بار ەكى قالا - سەمەي جانە كۋرچاتوۆ قالالارى, سونداي-اق سەگىز اۋدان: اباي, اياگوز, بەسقاراعاي, بورودۋليحا, جارما, ءۇرجار, كوكپەكتى جانە اقسۋات اۋداندارى كىرەدى.
بۇل رەتتە شىعىس قازاقستان وبلىسى اۋماعى - 97,8 مىڭ شارشى شاقىرىم, ال حالىق سانى - 717 مىڭ ادام.
شىعىس قازاقستان وبلىسىنا وسكەمەن جانە ريددەر قالالارى, سونداي-اق توعىز اۋدان كىرەدى: التاي, گلۋبوكوۆسكي, زايسان, كاتونقاراعاي, كۇرشىم, ۇلان, شەمونايحا, سامارا, تارباعاتاي.