ميلان-الماتى-ميلان تىكەلەي رەيسى 2022 جىلعى مامىردىڭ سوڭىندا اشىلادى. بۇل تۋرالى يتاليانىڭ قازاقستانداعى ەلشىسى ماركو البەرتي مالىمدەدى, دەپ حابارلايدى Egemen.kz.
«ميلان-الماتى-ميلان تىكەلەي اۋە رەيسىن 2022 جىلعى مامىردىڭ سوڭىنان باستاپ يتاليانىڭ Neos جەكە كومپانياسى اپتا سايىن تۇراقتى نەگىزدە ورىندايتىن بولادى», دەپ حابارلادى ەلشى نۇر-سۇلتانداعى جۋرناليستەرمەن جابىق كەزدەسۋدە.
قازىرگى ۋاقىتتا قازاقستاننان يتالياعا جانە يتاليادان قازاقستانعا بىردە-ءبىر تىكەلەي رەيس جوق.
بيىل قازاقستاننىڭ يتاليامەن ديپلوماتيالىق قارىم-قاتىناسىنا 30 جىل تولادى. وسىعان بايلانىستى ەلشىلىك جىل بويى بىرقاتار الەۋمەتتىك-مادەني ءىس-شارا وتكىزۋگە نيەتتى. اۋە رەيسىن اشۋ - وسىنداي شارالاردىڭ ءبىرى.