جىل باسىنان بەرى 3 مىڭنان اسا ەتنيكالىق قازاق تاريحي وتانىنا ورالىپ, قانداس مارتەبەسىن الدى, دەپ حابارلايدى Egemen.kz.
ولاردىڭ باسىم بولىگى وزبەكستان, قىتاي, تۇرىكمەنستان, موڭعوليادان كوشىپ كەلگەن.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2022 جىلعى 1 ساۋىردەگى جاعداي بويىنشا 3 078 ەتنيكالىق قازاق قانداس مارتەبەسىن العان.
جالپى 1991 جىلدان بەرى رەسپۋبليكاعا 1 ملن 90,1 مىڭ ەتنيكالىق قازاق ورالعان.
«جىل باسىنان قازاقستانعا كەلگەن قانداستاردىڭ جارتىسىنان كوبى (66,3%) وزبەكستاننان, 11,3% – قىتايدان, 10,9% – تۇرىكمەنستاننان, 2,2% – موڭعوليادان جانە 9,3% باسقا ەلدەردەن. كەلگەن ەتنيكالىق قازاقتار نەگىزىنەن الماتى (30,2%), ماڭعىستاۋ (19%), تۇركىستان (11,4%) جانە جامبىل (5,9%) وبلىستارىنا, سونداي-اق الماتى (6,5%), نۇر-سۇلتان (7,1%) جانە شىمكەنت (7,6%) قالالارىنا قونىستاندى», دەپ جازىلعان حابارلامادا.
بيىل 1 ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 62,7%, ەڭبەككە قابىلەتتى جاستان كىشى 23,2% جانە زەينەتكەرلەر 14,1%. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11,5% جوعارى ءبىلىمدى, 39,6% ورتا كاسىبي ءبىلىمدى, 47% جالپى ورتا ءبىلىمدى, 1,8% ءبىلىمى جوق.