قازاقستاندىق تاەكۆوندوشى ادىلەت بازارباەۆ Spanish Open G2 حالىقارالىق تۋرنيرىندە كۇمىس مەدالعا يە بولدى, دەپ حابارلايدى Egemen.kz Olympic.kz-كە سىلتەمە جاساپ.
يسپانيانىڭ اليكانتە قالاسىندا تاەكۆوندودان رەيتينگتىك تۋرنير اياقتالدى.
بۇل جارىستا 63 كەلى سالماق دارەجەسىندە ونەر كورسەتكەن وتانداسىمىز ادىلەت بازارباەۆ كۇمىس مەدالعا يە بولدى.
الماتىلىق تاەكۆوندوشى ءبىرىنشى جەكپە-جەگىندە ريو-دە-جانەيروداعى وليمپيادا ويىندارىنىڭ كۇمىس مەدالىنىڭ يەگەرى, تايلاندتىق تاۆين حانپرابتى جەڭدى. جارتىلاي فينالعا شىققانى ءۇشىن ەۋروپا چەمپيونى, 2020 جىلعى وليمپيادا ويىندارىنىڭ قولا جۇلدەگەرى, تۇرىك سپورتشىسى حاكان رەكبەردى جەڭە الدى.
وسى مەدالدىڭ ارقاسىندا بازارباەۆ 12 ۇپاي جيناي الدى, بۇل وعان حالىقارالىق رەيتينگتە كوتەرىلۋگە كومەكتەسەدى.
ەستەرىڭىزگە سالا كەتەيىك, حالىقارالىق تۋرنيردە ادىلەت بازارباەۆتان بولەك تاعى بەس قازاقستاندىق تاەكۆوندوشى ونەر كورسەتتى.