شىعىس قازاقستان وبلىسىندا قار كوشكىنىنىڭ ءجۇرۋ قاۋىپى بار, دەپ حابارلايدى Egemen.kz.
شقو تجد ءباسپاسوز قىزمەتى حابارلاعانداي, 4-7 ءساۋىر ارالىعىندا وڭىردە قار كوشكىنى ءجۇرۋ قاۋپى بار.
«مەتەورولوگيالىق جاعدايدىڭ وزگەرۋىنە, اۋا تەمپەراتۋراسىنىڭ كۇرت جىلىنۋىنا جانە جاڭبىر جاۋىنا بايلانىستى وبلىستىڭ تاۋلى جەرلەرىندە قار كوشكىنى ءتۇسۋى ىقتيمال. وسى رەتتە, تۇرعىندارعا بارىنشا اباي بولۋدى, ەشبىر جاعدايدا تاۋعا شىقپاۋ قاجەتتىگىن ەسكەرتەمىز. ەگەر قانداي دا ءبىر قيىندىققا تاپ بولساڭىزدار بىردەن «112» نومىرىنە قوڭىراۋ شالىڭىز», دەلىنگەن ۆەدومستۆو تاراتقان اقپاراتتا.