تۇركىستان وبلىسىندا براكونەرلەردەن زاڭسىز اۋلانعان جابايى قۇستاردىڭ 26 ۇشاسى تاركىلەندى. سوتقا دەيىنگى تەرگەۋ باستالدى, دەپ حابارلايدى Egemen.kz.
سوزاق اۋداندىق پوليتسيا قىزمەتىنىڭ قىزمەتكەرلەرى اقجار كولىنىڭ ماڭىندا زاڭسىز اڭ اۋلاپ جۇرگەن ەكى ەر ادامدى ۇستادى.
ولار ورداباسى جانە تولەبي اۋداندارىنىڭ تۇرعىندارى ەكەنى انىقتالدى.
ءتارتىپ ساقشىلارى «وحوتزووپروم» وكىلدەرىمەن بىرلەسىپ زاتتاي دالەل رەتىندە براكونەرلەردەن ەكى اڭشىلىق مىلتىق, ۇرلەمەلى قايىق, سونداي-اق 18 قاز جانە 8 ۇيرەك ۇشاسىن تاركىلەدى.
«كۇدىكتىلەر سوزاق اۋدانىنا اڭ اۋلاۋعا كەلگەندەرىن مويىندادى, بىراق ولاردا بۇعان رۇقسات بولماعان. قازىرگى ۋاقىتتا ۇستالعاندارعا قاتىستى قك-ءنىڭ 337-بابى «زاڭسىز اڭشىلىق» بويىنشا سوتقا دەيىنگى تەرگەۋ جۇرگىزىلۋدە. ءتارتىپ ساقشىلارى كۇدىكتىلەردىڭ باسقا دا وسىنداي قىلمىستارعا قاتىستىلىعىن انىقتايدى», دەيدى تقك پد ءباسپاسوز قىزمەتى.