شىعىس قازاقستان وبلىسىندا جۇك تيەلگەن 18 ۆاگون رەلستەن شىعىپ كەتتى, دەپ حابارلايدى Egemen.kz «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ ءباسپاسوز قىزمەتىنە سىلتەمە جاساپ.
«3 ءساۋىر كۇنى 12 ساعات 04 مينۋتتا شىعىس قازاقستان وبلىسىنىڭ وسكەمەن – كۇمىستاۋ تەمىرجول ۋچاسكەسىندە جۇك پويىزىنىڭ 18 ۆاگونى رەلستەن شىعىپ كەتتى. پويىز ساعاتىنا 37 كم جىلدامدىقپەن جۇرگەن. رۋدا تيەلگەن ەكى ۆاگون - رەسەي فەدەراتسياسىنىڭ مەنشىگى. شلاك تيەلگەن تاعى 16 ۆاگون «كازتسينكتەمىرترانس» جشس-نە تيەسىلى», دەپ جازىلعان رەسمي اقپاراتتا.
ۇلتتىق كومپانيا وكىلدەرىنىڭ ايتۋىنشا, وقيعا سالدارىنان قازا بولعاندار مەن زارداپ شەككەندەر جوق.
«جولاۋشى جانە جۇك پويىزدارىنىڭ كىدىرىسى بولعان جوق. قازىرگى ۋاقىتتا قالپىنا كەلتىرۋ جۇمىستارى ءجۇرىپ جاتىر. بولعان جاعدايدىڭ سەبەپ-سالدارىن تەكسەرىپ, انىقتاۋ ءۇشىن «قتج» ۇك» اق باسشىلارىنان كوميسسيا قۇرىلدى», دەپ جازادى كومپانيانىڭ ءباسپاسوز قىزمەتى.