30 ناۋرىز كۇنى اقتاۋدا ەكى جاسار يتبالىق تابىلىپ, كاسپي يتبالىعىن زەرتتەۋ جانە وڭالتۋ ورتالىعىنا جەتكىزىلدى, دەپ حابارلايدى Egemen.kz
وڭالتۋ ورتالىعىنا جەتكىزىلگەن جانۋار ۆەتەرينارلىق ەمدەۋ كۋرسىنان ءوتتى. كەشەندى وڭالتۋدى جۇرگىزۋ قورىتىندىسى بويىنشا يتبالىقتى تابيعي مەكەندەۋ ورتاسىنا قايتارۋ تۋرالى شەشىم قابىلداندى.
«العاشقى تەكسەرۋ كەزىندە يتبالىقتىڭ اۋىر جاراقاتتارى جوق ەكەندىگى انىقتالدى. الايدا, جانۋار قاتتى السىرەدى, كوزدىڭ قابىنۋ اۋرۋى دا بولدى. ءبىزدىڭ ورتالىقتىڭ قىزمەتكەرلەرى كاسپي ەندەميكاسىنا كەشەندى تەكسەرۋ جۇرگىزىپ, وڭالتۋ باعدارلاماسىن انىقتادى, سونداي-اق ودان ءارى زەرتحانالىق زەرتتەۋلەر ءۇشىن بيولوگيالىق سىنامالار ء(جۇن, قان, مۇرىننىڭ, كوزدىڭ شىرىشتى قابىعىنىڭ ماتەريالدارى جانە ت.ب.) الدى», دەپ ءتۇسىندىردى ەكولوگ, كاسپي يتبالىعىن زەرتتەۋ جانە وڭالتۋ ورتالىعى عىلىمي كەڭەسىنىڭ ءتورايىمى اسەل تاسماعامبەتوۆا.