قازاقستاندىق كاسىپقوي بوكسشى جانىبەك ءالىمحان ۇلى (11-0, 7 كو) مەن بريتانيالىق دەنني ديگنۋم (14-0-1, 8 كو) اراسىندا ورتا سالماقتا WBO تۇجىرىمى بويىنشا ۋاقىتشا چەمپيوندىق اتاق ءۇشىن جەكپە-جەك 21 مامىردا وتەدى, دەپ حابارلايدى Egemen.kz Sports.kz سايتىنا سىلتەمە جاساپ.
بۇل ESPN تەلەارناسىنداعى بوكس كەشىنىڭ باستى جەكپە-جەگى بولماق.
«سەيسەنبى كۇنى ورتا سالماقتاعى WBO تۇجىرىمى بويىنشا ۋاقىتشا تيتۋل ءۇشىن جانىبەك ءالىمحان ۇلى مەن دەنني ديگنۋمعا ارنالعان پروموۋتەرلىك ءوتىنىم بويىنشا مامىلە جاسالدى. ولار 21 مامىردا ESPN ارناسىنىڭ باستى شاراسىندا كەزدەسەدى», دەپ جازدى جۋرناليست دەن رافاەل Twitter-دە.