ءال-فارابي اتىنداعى قازاق ۇلتتىق ۋنيۆەرسيتەتىندە «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى ستۋدەنت جاستارمەن كەزدەسىپ, ارنايى ءدارىس وقىدى.
كەلەلى كەزدەسۋگە سونىمەن قاتار ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ, وسى وقۋ ورداسىنىڭ پروفەسسورلارى مەن وقىتۋشىلارى, ماگيسترانتتار مەن دوكتورانتتار قاتىستى.
ءوز كەزەگىندە دارحان قىدىرالى مەملەكەت باسشىسى ق.توقاەۆتىڭ حالىققا ارناعان جولداۋىنىڭ تاريحي ماڭىزدىلىعىن اتاپ ءوتتى. ول جاڭا قازاقستاننىڭ بولاشاعى بىلىكتى دە ءبىلىمدى جاستاردىڭ قولىندا ەكەنىن ايتتى. سونىمەن قاتار ول باق سالاسىنداعى ماسەلەلەرگە توقتالىپ, ءوزىنىڭ جۇمىس بارىسىنداعى تاجىريبەلەرىمەن ءبولىستى.
ەركىن فورماتتا وتكەن جيىن اياسىندا دارحان قىدىرالى كەزدەسۋگە قاتىسۋشىلاردىڭ سۇراقتارىنا جاۋاپ بەردى.
كەزدەسۋدە ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ مازمۇندى ءدارىس وقىعان «ەگەمەن قازاقستان» رەسپۋبليكالىق گازەتى» اق باسشىسىنا ريزاشىلىعىن ءبىلدىرىپ, قۇرمەت كورسەتتى.
الماتى