ەندىگىدە «+77» جانە «+76» حالىقارالىق كودتاردان تۇسەتىن قوڭىراۋلار «قازاقستان» دەپ كورسەتىلەدى دەپ حابارلادى Egemen.kz تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى تاراتقان اقپاراتقا سىلتەمە جاساپ.
«Apple كومپانياسىمەن بىرگە كوپشىلىكتى الاڭداتقان ءبىر ماسەلەنى رەتتەدىك – ەندى «+77» جانە «+76» حالىقارالىق كودتاردان تۇسەتىن قوڭىراۋلار «قازاقستان» دەپ كورسەتىلەدى. Apple ءوتىنىشىمىزدى بارىنشا جىلدام قاراستىرىپ, بىزگە ىقىلاس تانىتقانىن اتاپ وتكىم كەلەدى. ءسويتىپ iOS 14 قولدايتىن iPhone 6 جانە ودان كەيىنگى قۇرالدارداعى اتالعان پروبلەما شەشىلدى», دەپ جازدى باعدات مۋسين الەۋمەتتىك جەلىدە.