قازاقستان مۇسىلماندارى ءدىني باسقارماسى جانىنان ازاماتتارعا ءدىني اقپارات بەرۋ ورتالىعى جۇمىسىن باستادى, دەپ حابارلايدى Egemen.kz.
«شاريعاتىمىز بويىنشا باليعاتقا تولعان, اقىل-ەسى دۇرىس ءاربىر مۇسىلمانعا رامازان ايىندا ورازا ۇستاۋ – پارىز. الايدا, جولاۋشىلارعا, سىرقاتتانعان نەمەسە دەنساۋلىعى ناشار ادامدار اۋرۋىنىڭ اسقىنۋىنان قاۋىپتەنسە جانە سەنىمدى دارىگەر ۇزاق ۋاقىت بويى اشىعۋدان دەنساۋلىعى كۇرت ناشارلاپ كەتۋى مۇمكىن دەگەن شەشىم قابىلداسا, سونداي-اق جۇكتى نەمەسە ومىراۋدا بالاسى بار ايەلدەرگە ورازا تۇتۋدى كەيىنگە قالدىرۋعا شاريعاتىمىز رۇقسات بەرەدى», دەدى ناۋرىزباي قاجى تاعان ۇلى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتى بارىسىندا.
باس ءمۇفتي ەلوردادا ءدىني اقپارات بەرۋ ورتالىعىنىڭ ىسكە قوسىلعانىن حابارلادى.
«ەگەر ورازاعا, جالپى ءدىني ماسەلەگە قاتىستى قانداي دا سۇراقتارىڭىز بولسا قمدب جانىنان ءدىني اقپارات بەرۋ ورتالىعى اشىلعانىن قاپەرلەرىڭىزگە سالامىن. جاماعاتتىڭ سۇراعىنا دەر كەزىندە جاۋاپ بەرەتىن ورتالىقتىڭ ءنومىرى – 33-30-30. ورتالىققا نۇر-سۇلتان قالاسىنىڭ كودى ارقىلى تەلەفون شالۋعا بولادى», دەپ ءتۇسىندىردى ول.
ورتالىققا جۇگىنگەن ازاماتتارعا ءدىن سالاسىنىڭ بىلىكتى ماماندارى تاۋلىك بويى قازاق جانە ورىس تىلىندەگى سۇراقتارعا جاۋاپ بەرەدى.