قازاقستان ۇكىمەتى «ورال» حالىقارالىق اۋەجايىنا مانشۇك مامەتوۆانىڭ ەسىمىن بەرۋ تۋرالى قاۋلى قابىلدادى, دەپ حابارلايدى Egemen.kz.
«ورال» حالىقارالىق اۋەجايى» جاۋاپكەرشىلىگى شەكتەۋلى سەرىكتەستىگىنە مانشۇك مامەتوۆانىڭ ەسىمى بەرىلسىن», دەلىنگەن قۇجاتتا.
قاۋلى العاشقى جاريالانعان كۇنىنەن باستاپ قولدانىسقا ەنگىزىلەدى.
وتكەن جىلى قوعام بەلسەندىلەرى مەن دەپۋتاتتار اۋەجايعا كەڭەس وداعىنىڭ باتىرى مانشۇك مامەتوۆانىڭ ەسىمىن بەرۋ تۋرالى ۇسىنىس ايتقان بولاتىن.
مانشۇك مامەتوۆا ورال وبلىسى بوكەي ورداسى اۋدانىندا دۇنيەگە كەلگەن.
1942 جىلدىڭ تامىزىندا ءوز ەركىمەن قىزىل ارميا قاتارىنا الىنىپ, 21-ءنشى اتقىشتار ديۆيزياسىنىڭ قۇرامىندا ۇرىسقا قاتىسقان.
اعا سەرجانت, پۋلەمەتشى مانشۇك مامەتوۆا ءوزىنىڭ مەرگەندىگىمەن جانە باتىلدىعىمەن كوزگە ءتۇستى. نەۆەل قالاسى ءۇشىن بولعان شەشۋشى ۇرىستا قازاقتىڭ باتىر قىزى پۋلەمەتتەن وق بوراتىپ, قاھارماندىقپەن قازا تاپتى.