بۇگىن تاڭعى ساعات 07:43-تە نۇر-Cۇلتان-الماتى باعىتى بويىنشا كوككە كوتەرىلگەن ەير استانا اۋە كومپانياسىنىڭ ا 321 اۋە كەمەسى تەحنيكالىق سەبەپكە بايلانىستى نۇر-Cۇلتان قالاسىنا قايتا ورالدى, دەپ حابارلايدى Egemen.kz ازاماتتىق اۆياتسيا كوميتەتىنىڭ Telegram-كانالىنا سىلتەمە جاساپ.
اۋە كەمەسى نۇر-سۇلتان قالاسىنىڭ اۋەجايىنا تاڭعى 08:32-دە ءساتتى قوندى.
بورتتا 158 جولاۋشى مەن ەكيپاج مۇشەسى بولعان. اتالعان فاكتى بويىنشا يدم اۆياتسيالىق وقيعالار مەن وقىس وقيعالاردى تەرگەۋ باسقارماسى تەرگەۋ جۇرگىزەتىن بولادى.