فرانتسيالىق «پاري سەن-جەرمەن» فۋتبول كلۋبىندا سوڭعى ماۋسىمىن وتكىزىپ جاتقان 23 جاسار شابۋىلشى كيليان مباپپەگە يسپانيالىق «بارسەلونا» فۋتبول كلۋبى دا «قۇدا تۇسە» باستادى, دەپ حابارلايدى Egemen.kz.
بۇل تۋرالى Get Spanish Football News سايتى L’Equipe باسىلىمىنا سىلتەمە جاساپ اقپارات تاراتتى. دەرەككوز كەلتىرگەن اقپاراتقا سەنسەك, كاتالونيالىق كلۋب شىنىندا دا جازدا مباپپەنى قاتارعا قوسۋعا نيەتتەنىپ وتىر ەكەن. كوماندا Goldman Sachs-تەن العان 595 ميلليون ەۋرو نەسيە مەن جاڭا دەمەۋشى Spotify كومپانياسى جىل سايىن بولەتىن 70 ميلليون ەۋرو جۇلدىزدى ترانسفەرلەر جاساۋعا مۇمكىندىك بەرەتىنىنە سەنىمدى. ءتىپتى, «بارسەلونا» فۋتبول كلۋبىنىڭ باسشىلارى مباپپە «رەالدىڭ» ۇسىنىسىن قابىلداماي تۇرعاندا ويىنشىنى كاتالونيالىق كوماندانىڭ باس باپكەرى حاۆيمەن كەزدەستىرۋگە نيەتتى.