قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيا يسلام ىنتىماقتاستىعى ۇيىمى سىرتقى ىستەر مينيسترلەرى كەڭەسىنىڭ 48-ءشى سەسسياسىنا قاتىستى, دەپ حابارلايدى Egemen.kz.
پاكىستان استاناسىندا «بىرلىك, ادىلەتتىلىك جانە دامۋ جولىنداعى سەرىكتەستىك» تاقىرىبىندا سەسسيا ءوتتى.
ءىس-شاراعا يىۇ-عا مۇشە مەملەكەتتەر مەن باقىلاۋشى ەلدەردىڭ, سونداي-اق حالىقارالىق ۇيىمداردىڭ دەلەگاتسيالارى قاتىستى. يىۇ سىمك توراعالىعىنىڭ رەسمي تۇردە نيگەر رەسپۋبليكاسىنان پاكىستان يسلام رەسپۋبليكاسىنا اۋىسۋى بولدى, ال پالەستينا, كامەرۋن جانە يەمەن توراعانىڭ ورىنباسارلارى بولىپ سايلاندى.
ازيا توبىنىڭ اتىنان سويلەگەن سوزىندە قر سىرتقى ىستەر ءمينيسترى مۇحتار تىلەۋبەردى يىۇ-عا مۇشە مەملەكەتتەرگە قاڭتارداعى قايعىلى وقيعالار بارىسىندا قازاقستانعا قولداۋ كورسەتكەنى ءۇشىن العىسىن ءبىلدىردى.
مۇسىلمان ەلدەرى اراسىنداعى قاقتىعىستار مەن اسكەري قاقتىعىستاردىڭ جالعاسۋى اياسىندا ول قازاقستاندىق يسلامدىق تاتۋلاسۋ باستاماسىنىڭ وزەكتىلىگىن اتاپ ءوتتى. قازاقستان ءسىم باسشىسى يىۇ-نى رەفورمالاۋ پروتسەسىن تەزىرەك اياقتاۋ قاجەتتىگىن, بۇل جاڭا سىن-قاتەرلەر جاعدايىندا اسا ماڭىزدى ەكەنىن اتاپ ءوتتى.
سەسسيا بارىسىندا مۇحتار تىلەۋبەردى ەگيپەت سىرتقى ىستەر مينيسترلەرى سامەح شۋكري, يراك فۋاد حۋسەين جانە تۇركيا مەۆليۋت چاۆۋشوگلۋمەن بىرقاتار ەكىجاقتى كەلىسسوزدەر جۇرگىزدى. تاراپتار ەكىجاقتى جانە كوپجاقتى فورماتتاعى ىنتىماقتاستىقتى دامىتۋ ماسەلەلەرىن, سونداي-اق جوعارى دەڭگەيدەگى كەزدەسۋلەر كەستەسىن تالقىلادى.