بىرنەشە وڭىردە اۋا رايىنا بايلانىستى ەسكەرتۋ جاريالاندى

اقمولا وبلىسىنىڭ باتىسىندا, وڭتۇستىگىندە تۇمان تۇسەدى, 23 ناۋرىزدا وبلىستىڭ سولتۇستىگىندە, وڭتۇستىگىندە, باتىسىندا بۇرقاسىن كۇتىلەدى. وڭتۇستىك-باتىستان سوعاتىن جەل 22 ناۋرىزدا وبلىستىڭ وڭتۇستىك جارتىسىندا 15-20 م/س بولسا, 23 ناۋرىزدا سولتۇستىگىندە, وڭتۇستىگىندە, باتىسىندا 15-20, ەكپىنى 23-28 م/س جەتەدى.

تۇندە اقتوبە وبلىسىنىڭ ورتالىعىندا, سولتۇستىگىندە, وڭتۇستىك-شىعىسىندا – ازداعان بۇرقاسىن. باتىستان, سولتۇستىك باتىستان سوعاتىن جەل, تۇندە ورتالىقتا, وبلىستىڭ وڭتۇستىك-شىعىسىندا ەكپىنى 15-20 م/س كۇتىلەدى.

شىعىس قازاقستان وبلىسىنىڭ وڭتۇستىك باتىسىندا, شىعىسىندا باياۋ بۇرقاسىن كۇتىلەدى. وبلىستىڭ سولتۇستىگىندە تۇمان, كوكتايعاق. ال باتىسىندا وڭتۇستىك باتىستان سوعاتىن جەلدىڭ ەكپىنى 15-20 م/س. قوستاناي وبلىسىنىڭ سولتۇستىگىندە, باتىسىندا تۇمان ءتۇسىپ, ازداعان بۇرقاسىن بولادى.

سولتۇستىك-باتىستان سوعاتىن جەل, وبلىستىڭ باتىسىندا, وڭتۇستىگىندە ەكپىنى 15-20 م/س. قىزىلوردا وبلىسىنىڭ سولتۇستىگىندە كوكتايعاق بولادى. وڭتۇستىك باتىستان سوعاتىن جەل سولتۇستىكتە سولتۇستىك-باتىسقا اۋىسادى, وبلىس ورتالىعىندا 15-20 م/س. ماڭعىستاۋ وبلىسىنىڭ سولتۇستىگىندە, باتىسىندا تۇمان, كوكتايعاق كۇتىلەدى.

نۇر-سۇلتان قالاسىندا 22-23 ناۋرىزدا وقتىن-وقتىن قارلى بوران سوعادى. وڭتۇستىك-باتىستان سوعاتىن جەل 22 ناۋرىزدا, 23 ناۋرىزدا ەكپىنى 15-20 م/س. پاۆلودار وبلىسىندا تۇندە وڭتۇستىكتە, كۇندىز وڭتۇستىكتە, شىعىستا, وبلىس ورتالىعىندا جاياۋ بۇرقاسىن بولادى, كوكتايعاق. جەل وڭتۇستىك-باتىستان, تۇندە وڭتۇستىكتە, كۇندىز وبلىستىڭ باسىم بولىگىندە 15-20, وبلىستىڭ وڭتۇستىگىندە ەكپىنى 25 م/س. سولتۇستىك قازاقستان وبلىسىنىڭ باسىم بولىگىندە قار جاۋى ىقتيمال.

تۇندە جانە تاڭەرتەڭوبلىستىڭ سولتۇستىگى مەن باتىسىندا تۇمان تۇسەدى. كۇندىز وبلىستىڭ سولتۇستىگى مەن باتىسىندا باياۋ بۇرقاسىن كۇتىلەدى. وڭتۇستىك باتىستان سوعاتىن جەلدىڭ جىلدامدىعى ءوڭىردىڭ باتىسىندا 15-20 م/س جەتەدى. تۇركىستان وبلىسىنىڭ سولتۇستىگىندە جانە تاۋلى ايماقتارىندا تۇمان تۇسەدى.