وزبەكستاننان قازاقستانعا كىرە بەرىستە كونتراباندالىق كولىكتەر ۇستالدى, دەپ حابارلايدى Egemen.kz قر ۇقك شەكارا قىزمەتىنە سىلتەمە جاساپ.
«2022 جىلعى 19 ناۋرىزدا «ب. قونىسباەۆ» وتكىزۋ پۋنكتىندە (تۇركىستان وبلىسى), وزبەكستاننان قازاقستانعا كىرەتىن كولىكتەردى تەكسەرۋ كەزىندە شەكارا ناريادى ءۇش جۇك كولىگىن ۇستادى. ولاردىڭ ىشىندە ىلەسپە قۇجاتتارى جوق 6 شەتەلدىك جەڭىل كولىك بولعان.
كونتراباندانى وتكىزۋ ارەكەتى ءۇشىن قازاقستان ازاماتتارى ۇستالدى. تاۋاردىڭ الدىن الا باعالاۋ قۇنى 70 ملن تەڭگەنى قۇرايدى», دەلىنگەن حابارلامادا.
ۇستالعان جۇك تۇركىستان وبلىسى بويىنشا ەكونوميكالىق تەرگەۋ دەپارتامەنتىنە تاپسىرىلادى.