مەملەكەت باسشىسى جۇمىس ساپارىنىڭ باعدارلاماسىنا سايكەس الماتى قالاسىنداعى ماڭىزدى ارحيتەكتۋرالىق ەسكەرتكىشتەردىڭ ءبىرى – وقۋشىلار سارايىن ارالاپ كوردى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
پرەزيدەنتكە عىلىم-ءبىلىم ورتالىعىن قايتا قالپىنا كەلتىرۋدىڭ جانە جاڭعىرتۋدىڭ العاشقى كەزەڭىنىڭ ناتيجەلەرى مەن جوسپارى تۋرالى مالىمەت بەرىلدى.
سونداي-اق الماتى قالاسى اكىمدىگىنىڭ بالالاردىڭ بوس ۋاقىتىن ءتيىمدى وتكىزۋگە جاعداي جاساۋ ءۇشىن اتقارىپ جاتقان جۇمىستارى جونىندە ايتىلدى.