«قازگيدرومەت» رمك 19-21 ناۋرىز كۇندەرىنە ارنالعان اۋا رايى بولجامىن جاريالادى, دەپ حابارلايدى Egemen.kz.
«اپتا سوڭىندا, قازاقستان اۋماعىنىڭ باسىم بولىگى سولتۇستىك-باتىس انتيتسيكلون جوتاسىنىڭ ىقپالىندا بولادى, وسىعان بايلانىستى ايازدى, جاۋىن-شاشىنسىز اۋا رايى كۇتىلەدى. الايدا, 20 ناۋرىزدا سولتۇستىك, سولتۇستىك-باتىس ايماقتارعا جاڭا جەر اۋداندارىنان تسيكلون شۇڭقىرى اسەر ەتە باستايدى.
تسيكلون بىرتىندەپ وڭتۇستىك-شىعىس باعىتقا اۋىسىپ, 21 ناۋرىزدا رەسپۋبليكانىڭ كوپ بولىگىن قامتيدى. وسىعان بايلانىستى اۋا تەمپەراتۋراسىنىڭ جوعارىلاۋى جانە اۋا رايىنىڭ ناشارلاۋى كۇتىلەدى. وڭتۇستىك جانە وڭتۇستىك-شىعىستا ارالاس جاۋىن-شاشىن, جەلدىڭ كۇشەيۋى, بوران بولادى. رەسپۋبليكا بويىنشا تۇمان كۇتىلەدى», دەلىنگەن سينوپتيكتەر حابارلاماسىندا.