كوشى-قون قىزمەتى ورگاندارىنىڭ دەرەكتەرى بويىنشا, 2022 جىلعى قاڭتاردا ەلگە 1291 ادام كەلدى, ەلدەن 1 592 ادام كەتتى, دەپ حابارلايدى Egemen.kz.
«ەلدىڭ نەگىزگى كوشى-قون الماسۋى تمد مەملەكەتتەرىمەن ءجۇرىپ جاتىر. تمد ەلدەرىنەن كەلگەندەردىڭ ۇلەسى 90%-دى, كوشىپ كەتكەندەردىڭ ۇلەسى ميگرانتتاردىڭ جالپى سانىنىڭ 79,5%-ىن قۇرايدى», دەپ جازدى ۇلتتىق ستاتيستيكا بيۋروسى.
بۇل رەتتە 2021 جىلعى قاڭتارمەن سالىستىرعاندا رەسپۋبليكا شەگىندە كوشىپ-قونۋشىلاردىڭ سانى 25,2%-عا ازايدى.
وڭىرارالىق اۋىسۋلار بويىنشا حالىقتىڭ كوشى-قونىنىڭ وڭ سالدوسى ەلىمىزدىڭ ءۇش وڭىرىندە قالىپتاستى: نۇر-سۇلتان (2777 ادام), الماتى (2332 ادام), شىمكەنت (212 ادام) قالالارى.