پاراليمپيادالىق جۇزۋدەن الەم كۋبوگىندا قازاقستان قۇراماسى 4 التىن, 5 كۇمىس جانە 3 قولا مەدال ەنشىلەپ, تاماشا ونەر كورسەتتى, دەپ حابارلايدى Egemen.kz.
قازاقستاندىق پاراليمپياداشىلار الەمنىڭ 38 ەلىنەن كەلگەن 300 سپورتشى اراسىنداعى جارىستا ۇزدىكتەردىڭ قاتارىنان كورىندى. الەم كۋبوگىنا يتاليانىڭ لينيانو-ساببيادورو قالاسىنا قازاقستاننان 9 ءجۇزۋشى اتتاندى.
ەكى «التىن» جانە ەكى «كۇمىستى» اندرەي افاناسەۆ جەڭىپ الدى. سيازبەك داليەۆ پەن ناتاليا زۆياگينتسەۆا ءۇش مەدال يەلەنسە, دياس كەنجەبەك پەن كيريلل يليۋكەۆيچ ەكى مارتە جۇلدەگەر اتاندى. قازاقستان قۇراماسىنىڭ قورجىنىنا ءبىر ماراپاتتان سەرگەي كين مەن الينا دۋبينينا مەدال قوستى.
سپورتشىلاردىڭ بارلىق ناتيجەلەرى حالىقارالىق پاراليمپيادا كوميتەتىنىڭ 2022 جىلعى الەمدىك رەيتينگىنە ەنگىزىلمەك. دارەجەلەر تۋرالى الەمدىك تابەلدەردىڭ نەگىزىندە 2024 جىلى پاريجدە وتەتىن جازعى پاراليمپيادا ويىندارىنا قاتىسۋشىلاردىڭ ءتىزىمى قالىپتاستىرىلادى, ال قازىر, 2022 جىلى, ماۋسىم ايىندا پورتۋگاليادا وتەتىن پاراليمپيادالىق ءجۇزۋ بويىنشا الەم چەمپيوناتىنا جانە قازان ايىندا قىتايدا وتەتىن جازعى ازياداعا نورماتيۆتەر بويىنشا ىرىكتەۋ جۇرگىزىلەدى. سپورتشىلار وسى جارىستارعا بەلسەندى دايىندالۋدا.