باتىس قازاقستان جانە اقتوبە وبلىستارىندا اۆتوكولىكتەردىڭ بارلىق تۇرلەرى ءۇشىن جول قوزعالىسى ۋاقىتشا شەكتەتىلدى, دەپ حابارلايدى Egemen.kz.
«قازاقاۆتوجول» جشس ءباسپاسوز قىزمەتى حابارلاعانداي, شەكتەۋلەر قازاقستاننىڭ باتىسىنداعى اۆتوجولدارعا قاتىستى.
«16 ناۋرىزدا ەلوردا ۋاقىتى بويىنشا ساعات 01:05-تە باتىس قازاقستان وبلىسىندا اۋا رايىنىڭ ناشارلاۋىنا بايلانىستى (جەل, بۇرقاسىن, كورىنۋدى شەكتەۋ) سامارا – شىمكەنت اۆتوجولىندا جىمپيتى اۋىلى – اقتوبە وبلىسىنىڭ شەكاراسى ۋچاسكەسىنىڭ 394-526 كم-دە اۆتوكولىكتىڭ بارلىق تۇرلەرى ءۇشىن قوزعالىسقا شەكتەۋ ەنگىزىلدى», دەلىنگەن «قازاقاۆتوجول» حابارلاماسىندا.
اقتوبە وبلىسىندا دا بقو شەكاراسى مەن مارجانبۇلاق اۋىلىنا دەيىنگى اۆتوجول ۋچاسكەسىنىڭ 526-703 شاقىرىمىندا كولىكتىڭ بارلىق تۇرلەرى ءۇشىن قوزعالىس شەكتەلگەن.