سارسەنبىگە ارنالعان اۋا رايى بولجامى

«اتموسفەرالىق فرونتالدى بولىكتەردىڭ وتۋىمەن قازاقستاننىڭ باسىم بولىگىندە جاۋىن-شاشىن, رەسپۋبليكانىڭ سولتۇستىك جارتىسىندا نەگىزىنەن قار تۇرىندە, وڭتۇستىك جارتىسىندا نەگىزىنەن جاڭبىر تۇرىندەگى جاۋىن-شاشىن جاۋادى, وڭتۇستىكتىڭ, وڭتۇستىك-شىعىستىڭ تاۋلى اۋداندارىندا قاتتى جاۋىن-شاشىن (جاڭبىر, قار) جاۋادى. قر بويىنشا جەل كۇشەيىپ, تۇمان ءتۇسىپ, كوكتايعاق بولىپ, جاياۋ بۇرقاسىن سوعادى. رەسپۋبليكانىڭ وڭتۇستىگىندە نايزاعاي وينايدى», دەلىنگەن «قازگيدرومەت» حابارلاماسىندا.

اتاپ ايتقاندا, تۇركىستان وبلىسىنىڭ تاۋلى, تاۋ بوكتەرلى اۋداندارىندا تۇمان ءتۇسىپ, كۇندىز نايزاعاي وينايدى, باتىسىندا جانە تاۋلى اۋداندارىندا جەل 15-20 م/س كۇشەيەدى.

الماتى, جامبىل وبلىستارىنىڭ سولتۇستىگىندە, تاۋلى اۋداندارىندا تۇمان ءتۇسىپ, جامبىل وبلىسىنىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا جەل 15-20, كەي ۋاقىتتا ەكپىنى 23 م/س دەيىن كۇشەيەدى.

اقتوبە وبلىسىنىڭ سولتۇستىگىندە, باتىسىندا, قوستاناي وبلىسىنىڭ وڭتۇستىگىندە جەلدىڭ كۇشى 15-20 م/س جەتىپ, قوستاناي وبلىسىنىڭ شىعىسىندا, وڭتۇستىك-شىعىسىندا تۇمان تۇسەدى.

باتىس قازاقستان وبلىسىنىڭ وڭتۇستىگىندە تۇمان ءتۇسىپ, كۇندىز سولتۇستىگىندە جاياۋ بۇرقاسىن, كوكتايعاق بولادى, سولتۇستىگىندە, سولتۇستىك-شىعىسىندا جەل 15-20 م/س كۇشەيەدى.

اتىراۋ وبلىسىنىڭ سولتۇستىك-شىعىسىندا جاياۋ بۇرقاسىن, كوكتايعاق بولىپ, جەلدىڭ كۇشى 15-20 م/س جەتەدى.

قىزىلوردا وبلىسىنىڭ ورتالىعىندا تۇمان ءتۇسىپ, كۇندىز جەل 15-20 م/س كۇشەيەدى, كۇندىز وبلىستىڭ ورتالىعىندا جانە وڭتۇستىگىندە كوكتايعاق بولادى.

اقمولا وبلىسىنىڭ وڭتۇستىگىندە, سولتۇستىك-باتىسىندا, سولتۇستىك قازاقستان وبلىسىنىڭ وڭتۇستىك-باتىسىندا تۇمان تۇسەدى.

شىعىس قازاقستان وبلىسىندا جولداردا كوكتايعاق بولىپ, تۇندە سولتۇستىكتە, شىعىسىندا تۇمان تۇسەدى.

ماڭعىستاۋ وبلىسىندا كوكتايعاق بولىپ, تۇمان تۇسەدى.