ۇكىمەت باسشىسى ءاليحان سمايىلوۆ اۋىل شارۋاشىلىعى مينيسترلىگىنىڭ باسشىسىنا قازاقستاننىڭ ازىق-ت ۇلىك قاۋىپسىزدىگىن قامتاماسىز ەتۋ جوسپارىن پىسىقتاۋدى تاپسىردى, دەپ حابارلايدى Egemen.kz.
ء«بىزدىڭ ەلىمىز نەگىزگى ازىق-ت ۇلىك تاۋارلارىمەن تولىق كولەمدە قامتاماسىز ەتىلگەنىن جانە دۇرلىكپە سۇرانىس پەن ۇرەي ءۇشىن سەبەپتەر جوق ەكەنىن اتاپ وتكىم كەلەدى», دەدى پرەمەر-مينيستر ءاليحان سمايىلوۆ.
ول قازاقستاندا عانا ەمەس, بۇكىل الەمدە سوڭعى جىلدارى ازىق-ت ۇلىك تاۋارلارىنا سۇرانىس پەن باعانىڭ كۇرت وسكەنىن اتاپ ءوتتى. سوندىقتان ول وتاندىق ءوندىرىستى كەڭەيتۋ جانە اۋىل شارۋاشىلىعى ونىمدەرىن قايتا وڭدەۋ ەسەبىنەن ىشكى نارىقتى تاۋارلارمەن مولىقتىرۋ ءبىرىنشى ورىنعا شىعاتىنىن ءتۇسىندىردى.
«ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرىندە ءبىرىنشى كەزەكتەگى مىندەت - ازىق-ت ۇلىك تاۋارلارىنىڭ ناقتى قولجەتىمدىلىگىن, ولاردىڭ دۇكەندەر مەن بازارلاردىڭ سورەلەرىندە جەتكىلىكتى بولۋىن قامتاماسىز ەتۋ. وسى باعىتتا جوسپاردا كوزدەلگەن ءىس-شارالار ەگىس القاپتارىن ءارتاراپتاندىرۋ, مال شارۋاشىلىعىن كەشەندى دامىتۋ, جاڭا ينۆەستيتسيالىق جوبالاردى ىسكە اسىرۋ, ساقتاۋ جانە لوگيستيكا ينفراقۇرىلىمىن دامىتۋ ەسەبىنەن ىسكە اسىرىلاتىن اۋىل شارۋاشىلىعى ونىمدەرى ءوندىرىسىنىڭ كولەمىن ۇلعايتۋعا باعىتتالعان», دەدى ءاليحان سمايىلوۆ.
بۇل رەتتە ۇكىمەت باسشىسى نارىقتى ازىق-ت ۇلىكپەن مولىقتىرۋ جونىندەگى شارالار ازىق-ت ۇلىك ءوندىرىسى مەن تۇتىنۋ تەڭگەرىمىن ەسكەرە وتىرىپ جۇرگىزىلۋگە ءتيىس ەكەنىن اتاپ ءوتتى.
«باعالاردى رەتتەۋدىڭ قولدانىستاعى تەتىكتەرىنىڭ تيىمدىلىگىنە باعالاۋ جۇرگىزۋ جانە باعالاردى اكىمشىلىك رەتتەۋدەن حالىقتىڭ الەۋمەتتىك وسال توپتارىن اتاۋلى قولداۋعا كوشۋ جونىندە ۇسىنىستار ازىرلەۋ قاجەت. باعالاردى تەجەۋدىڭ اكىمشىلىك تۇتقالارى نارىقتىق ەمەس ءادىس رەتىندە بەلگىلى, باعا تۇراقتىلىعىن ىنتالاندىرۋدىڭ باسقا ادىستەرىن دە پايدالانۋ قاجەت», دەپ قوستى ءاليحان سمايىلوۆ.
ونىڭ ايتۋىنشا, فورۆاردتىق جەتكىزۋ جۇيەسىن دامىتا وتىرىپ, اوك جانە ساۋدا سۋبەكتىلەرى اراسىندا ۇزاق مەرزىمدى تۇراقتى شارۋاشىلىق بايلانىستاردى ورناتۋ بويىنشا شارالاردى قاراستىرۋ قاجەت.
«ازىق-ت ۇلىك قاۋىپسىزدىگىن قامتاماسىز ەتۋ تىزبەگىندەگى ماڭىزدى بۋىن - شىعارىلاتىن تاماق ونىمدەرىنىڭ ساپاسى. بۇل باعىتتا ۆەتەريناريالىق جانە فيتوسانيتاريالىق باقىلاۋدى جەتىلدىرۋدى, تاماق ونىمدەرىن سەرتيفيكاتتاۋدى جۇرگىزۋ قاجەت», دەپ اتاپ ءوتتى پرەمەر-مينيستر.