پرەزيدەنتتىك جاستار كادرلىق رەزەرۆىنىڭ مۇشەسى داۋلەت كارىبەك Amanat پارتياسىنىڭ حاتشىسى بولىپ تاعايىندالدى, دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.
«پارتيا توراعاسى قاسىم-جومارت كەمەل ۇلى توقاەۆتىڭ قاۋلىسىمەن قايىربەك داۋلەت جاماۋباي ۇلى Amanat پارتياسىنىڭ حاتشىسى بولىپ تاعايىندالدى», دەلىنگەن حابارلامادا.
داۋلەت كارىبەك 1990 جىلى 12 قىركۇيەكتە دۇنيەگە كەلگەن. ول - ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «ساياساتتانۋ» ماماندىعى بويىنشا PhD دوكتورى.
2009 جىلدان باستاپ Jas Otan جاستار قاناتىندا ءتۇرلى قىزمەتتەر اتقاردى. 2019 جىلى Jas Otan پارتياسىن باسقاردى جانە پرەزيدەنتتىككە كانديدات قاسىم-جومارت توقاەۆتىڭ رەسپۋبليكالىق شتابىنىڭ Team Qazaqstan جاستار قاناتىنا جەتەكشىلىك ەتتى.
سونداي-اق, «نۇرسۇلتان اكىمدىگى جاستار ساياساتى ماسەلەلەرى باسقارماسى»مم باسشىسى جانە Nur Otan پارتياسىنىڭ ەلورداداعى فيليالى توراعاسىنىڭ ءبىرىنشى ورىنباسارى قىزمەتتەرىن اتقاردى. ال تاعايىندالعانعا دەيىن جامبىل وبلىسى اكىمىنىڭ ورىنباسارى بولىپ جۇمىس ىستەدى. ول - پرەزيدەنتتىك جاستار كادرلىق رەزەرۆىنىڭ مۇشەسى.