گرەكيادا كوركەم گيمناستيكادان افروديتا كۋبوگى حالىقارالىق ءتۋرنيرى اياقتالدى. قازاقستاندىق سپورتشىلار ءساتتى ونەر كورسەتىپ, بىرقاتار ماراپاتتارعا يە بولدى, دەپ حابارلايدى Egemen.kz.
ۇلتتىق وليمپيادا كوميتەتىنىڭ ءباسپاسوز قىزمەتى حابارلاعانداي, ايەلدەر اراسىنداعى جارىستاردا روزا سيابيتوۆا لەنتامەن جاتتىعۋدا ءۇشىنشى اتاندى. بايان قويباقار كلۋبتىق جاتتىعۋلاردا «كۇمىستى» جەڭىپ الدى. ال سابينا باكاتوۆا جارىستى ءۇشىنشى بولىپ اياقتادى.
جاسوسپىرىمدەر اراسىندا ميلان پارفيلوۆا شەڭبەرمەن جاتتىعۋدا ەكىنشى بولىپ, «كۇمىس» جۇلدە ەنشىلەدى. ەريكا جايلاۋوۆا لەنتامەن جاتتىعۋدا ءۇشىنشى بولدى.