قر ەنەرگەتيكا ءمينيسترى بولات اقشولاقوۆ ءماجىلىس وكىلدەرىنىڭ دەپۋتاتتىق ساۋالىنا جولداعان جاۋابىندا جانار-جاعارماي نارىعىنداعى ءتيىمسىز جەتكىزۋشىلەرگە قانداي شارالار قابىلدانىپ جاتقانىن ايتتى, دەپ حابارلايدى Egemen.kz.
«قازىرگى تاڭدا مينيسترلىك جانار-جاعارماي ماتەريالدارىن ءوندىرۋ جانە تاراتۋ جۇيەسىن رەفورمالاۋ بويىنشا كوتەرمە باعامەن جەتكىزۋشىلەرگە قويىلاتىن تالاپتاردى كۇشەيتۋ, تابىس مولشەرىن شەكتەۋ سياقتى شارالار قابىلداپ جاتىر. بىرىڭعاي وپەراتور مەن اۆياكەروسين اينالىمىن قوسپاعاندا, كوتەرمە باعامەن جەتكىزۋشىلەر رەتىندە مۇناي بازالارى بار تۇلعالار عانا ارەكەت ەتەتىن بولادى», دەپ جازدى بولات اقشولاقوۆ دەپۋتاتتىق ساۋالعا بەرگەن جاۋابىندا.
ءمينيستردىڭ جاۋابىنا سۇيەنسەك, بيرجالىق ساۋدا-ساتتىقتىڭ ءراسىمىن ودان ءارى جاڭارتۋدىڭ مىنانداي ماسەلەلەرى پىسىقتالىپ جاتىر:
- قاتىسۋشىلار شەڭبەرىن جاناماي قۇيۋ جەلىلەرىمەن عانا شەكتەۋ,
- ساۋدا سەسسيالارىن بۇزۋ ءىرى جانە ۇساق جانارقماي قۇيۋ ستانسالارىنا ءبولۋ.
«بۇل شارالار جانارماي قۇيۋ بەكەتتەرىنە, ونىڭ ىشىندە شاعىن جانە ورتا كاسىپورىندارعا, بيرجا ارقىلى رەسۋرس ۇستاۋشىلاردان جانار-جاعارماي ماتەريالدارىن تىكەلەي ساتىپ الۋعا مۇمكىندىك بەرەدى», دەيدى مينيستر.