گەرمانيالىق «بورۋسسيا» كومانداسىنىڭ شابۋىلشىسى ەرلينگ حولاندتى قاتارىنا قوسقىسى كەلەتىن «بارسەلونا» فۋتبول كلۋبىنىڭ باسشىلارى نورۆەگيالىق فۋتبولشىعا قولى جەتپەسە, «ليۆەرپۋل» فۋتبولشىسى موحامەد سالاحقا «قۇدا ءتۇسۋى» مۇمكىن, دەپ حابارلايدى Egemen.kz
البەتتە, جازعى ترانسفەرلىك تەرەزە اشىلعان كەزدە كاتالونيالىق كلۋب ەرلينگ حولاندتى قاتارىنا قوسۋدى باستى ماقسات ەتىپ وتىر. ايتكەنمەن «بارسەلونا» باسشىلارى نورۆەگيالىق شابۋىلشىعا ۇلىبريتانيالىق «مانچەستەر سيتي», يسپانيالىق «رەال» كوماندالارىنىڭ قىزىعۋشىلىق تانىتىپ وتىرعانىن بىلەدى. سول سەبەپتى دە قول قۋسىرىپ قاراپ وتىرماي, موحامەد سالاحتىڭ كومانداسىمەن دە كەلىسسوزدەر جۇرگىزۋگە كىرىسىپ كەتتى. ءتىپتى سالاحتىڭ اگەنتى «بارسەلونا» پرەزيدەنتىنىڭ ۇسىنىسىنا وڭ قاباقپەن قاراعان دەگەن دە سىبىس بار.