قازاقستان ۋكراينا حالقىنا مەديتسينالىق پرەپاراتتار تۇرىندە گۋمانيتارلىق كومەك جىبەرەدى. بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا مالىمەتىندە ايتىلدى, دەپ حابارلايدى Egemen.kz.
«حالىقارالىق گۋمانيتارلىق كومەك ماسەلەلەرى جونىندەگى كوميسسيا وتىرىسىنىڭ حاتتاماسىن, سونداي-اق قر پرەزيدەنتىنىڭ تاپسىرماسىن ورىنداۋ ءۇشىن قر دەنساۋلىق ساقتاۋ مينيسترلىگى ۋكرايناعا گۋمانيتارلىق كومەك جىبەرەتىن بولادى.
قر ۇكىمەتى جانىنداعى حالىقارالىق گۋمانيتارلىق كومەك كورسەتۋ ماسەلەلەرى جونىندەگى كوميسسيا ۋكراينا حالقىنا مەديتسينالىق پرەپاراتتار پارتياسىن ءبولۋ تۋرالى شەشىم قابىلدادى», - دەلىنگەن حابارلامادا.
قر دەنساۋلىق ساقتاۋ مينيسترلىگى قر يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ الماتى - كاتوۆيتسە (پولشا) باعىتى بويىنشا گۋمانيتارلىق جۇكتى اۋە كەمەسىمەن جەتكىزۋ ماسەلەسىن قاراستىرعان. ۋكراينا ازاماتتارىنا گۋمانيتارلىق كومەك 2022 جىلعى 14 جانە 15 ناۋرىزدا الماتى قالاسىنىڭ اۋەجايىنان ەكى رەيسپەن جىبەرىلەتىن بولادى.
جونەلتىلەتىن جۇكتىڭ جالپى سالماعى 28,2 توننا جانە 17 ءتۇرلى ءدارى-دارمەكتەر: انتيبيوتيكتەر, قابىنۋعا قارسى, ءانتيتۋسسيۆتى جانە انتيگيپەرتەزيۆتى دارىلەر بولادى. گۋمانيتارلىق جۇك الماتى حالىقارالىق اۋەجايىنان 14 ناۋرىز كۇنى جىبەرىلەدى (جۇكتەۋ تيەۋ جۇمىستارى ۇشۋدان 2 ساعات بۇرىن جۇرگىزىلەدى).