قر دەنساۋلىق ساقتاۋ ءمينيسترى اجار عينيات اتىراۋ وبلىسىندا مەديتسينالىق قىزمەتپەن ناشار قامتىلعان ەلدى مەكەندەردى اتادى, دەپ حابارلايدى Egemen.kz.
«رەسپۋبليكالىق كوميسسيا جۇمىسىنىڭ اياسىندا المالى, بەرەكەلى ەلدى مەكەندەرىنە بارعاندا كەلەشەگى بار, پەرسپەكتيۆالى اۋىلداردا دۇرىس مەديتسينالىق عيماراتتاردىڭ جوقتىعى بايقالدى. مەديتسينا قىزمەتكەرلەرىنە, اسىرەسە دارىگەرلەرگە, حالىققا دا جاعدايدىڭ جاسالماعانى كوزگە ءتۇستى. اكىمدىكتىڭ اقپاراتى بويىنشا, بۇگىنگى تاڭدا وسى مەكەمەلەردى سالۋ ءۇشىن ءتيىستى قۇجاتتار ازىرلەنۋدە. كەلەسى جىلدان باستاپ اتالعان ەلدى مەكەندەردە مەديتسينالىق ۇيىمدار سالۋ جوسپارلانىپ وتىر», - دەدى اجار عينيات وبلىستىق وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا.
«ونىڭ ىشىندە بيىل 7 وبەكت: قۇرمانعازى اۋدانىنىڭ قادىركا اۋىلىندا مەديتسينالىق بەكەت, ماحامبەت اۋدانىنىڭ ەڭبەكشىل اۋىلىندا مەديتسينالىق بەكەت, يساتاي اۋدانىنىڭ اققىستاۋ اۋىلىندا فەلدشەرلىك-امبۋلاتوريالىق بەكەت, اتىراۋ قالاسىنىڭ بەرەكە شاعىن اۋدانىندا دارىگەرلىك امبۋلاتوريا, جىلىوي اۋدانىنداعى جاڭا قاراتون اۋىلىندا دارىگەرلىك امبۋلاتوريا, اتىراۋ قالاسىنىڭ قارا دەپو شاعىن اۋدانىندا دارىگەرلىك امبۋلاتوريا قۇرىلىسى ءجۇرىپ جاتىر. كەيبىر نىساندار ءتىپتى سالىنىپ بىتۋگە جاقىن», - دەدى مينيستر.