زەينەتاقى تولەمدەرى جاڭا ادىسپەن ەسەپتەلەدى

ەسكە سالا كەتسەك, پرەزيدەنت قاسىم-جومارت توقاەۆتىڭ تاپسىرماسىن ورىنداۋ ماقساتىندا قازاقستان رەسپۋبليكاسى ۇكىمەتىنىڭ 2021 جىلعى 13 جەلتوقسانداعى №875 قاۋلىسىمەن 2021 جىلعا ەسەپتەلگەن تجش قولدانۋ مەرزىمى 2022 جىلدىڭ 1 ساۋىرىنە دەيىن ۇزارتىلدى.

«بجزق» اق ءباسپاسوز قىزمەتىنىڭ جازۋىنشا, زەينەتاقى جيناقتارىنىڭ ءبىر بولىگىن پايدالانۋ قۇقىعىن ىسكە اسىرۋ ءۇشىن سالىمشى تۇرعىن ءۇي جاعدايىن جاقسارتۋ جانە ەمدەلۋگە اقى تولەۋ ماقساتىندا الۋعا قولجەتىمدى زەينەتاقى جيناقتارىنىڭ بار-جوعىنا كوز جەتكىزۋى ءتيىس.

مۇنى enpf.kz سايتى نەمەسە بجزق ءموبيلدى قوسىمشاسىنداعى جەكە كابينەتتە, سونداي-اق, egov پورتالى مەن ءموبيلدى قوسىمشاسىندا كورۋگە بولادى.

ودان ءارى سالىمشى زەينەتاقى جيناقتارىنىڭ ءبىر بولىگىن پايدالانۋ تۋرالى شەشىم قابىلداعان جاعدايدا, ۋاكىلەتتى وپەراتورلاردىڭ ينتەرنەت-رەسۋرسى ارقىلى الدىن الا ءوتىنىش بەرگەنى ءجون.

بۇگىندە تۇرعىن ءۇي جاعدايىن جاقسارتۋعا ارنالعان بىرجولعى زەينەتاقى تولەمدەرىنە وتىنىشتەر قابىلدايتىن ۋاكىلەتتى وپەراتورلار: «وتباسى بانك» تۇرعىن ءۇي قۇرىلىس جيناق بانكى» اق, «قازاقستان حالىق بانكى» اق, «Altyn Bank» اق, «بانك تسەنتركرەديت» اق جانە «بانك فريدوم فينانس قازاقستان» اق, ەمدەلۋگە «وتباسى بانك» تۇرعىن ءۇي قۇرىلىس جيناق بانكى» اق بولىپ تابىلادى.

ۋاكىلەتتى وپەراتور بىرجولعى زەينەتاقى تولەمىن الۋ تۋرالى ءوتىنىشتى قاراعاننان كەيىن 2 جۇمىس كۇنى ىشىندە بجزق-عا ەلەكتروندىق حابارلاما جىبەرەدى. بجزق تاراپىنان الۋعا قولجەتىمدى قاراجات ۋاكىلەتتى وپەراتوردان ەلەكتروندىق حابارلاما كەلىپ تۇسكەن كۇنگى تجش ەسكەرىلە وتىرىپ تەكسەرىلەدى. بجزق ەلەكتروندىق حابارلاما كەلىپ تۇسكەن كۇننەن باستاپ بەس جۇمىس كۇنى ىشىندە ۋاكىلەتتى وپەراتورعا الۋشىنىڭ ارنايى شوتىنا بىرجولعى زەينەتاقى تولەمىن اۋدارادى.

2022 جىلعا ارنالعان تجش 2022 جىلدىڭ 1 ساۋىرىنەن باستاپ كۇشىنە ەنەتىندىكتەن, بجزق ۋاكىلەتتى وپەراتورلاردان بجزق-عا 2022 جىلدىڭ 31 ناۋرىزىنا (قوسا العاندا) دەيىن كەلىپ تۇسكەن وتىنىشتەر بويىنشا 2021 جىلعا ەسەپتەلگەن تجش شامالارىنا سايكەس بىرجولعى زەينەتاقى تولەمدەرىن جۇرگىزەتىن بولادى.

قر «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭىندا تجش – قازاقستان رەسپۋبليكاسىنىڭ ۇكىمەتى بەكىتكەن ادىستەمەگە سايكەس ايقىندالعان مىندەتتى زەينەتاقى جارنالارى جانە (نەمەسە) مىندەتتى كاسىپتىك زەينەتاقى جارنالارى ەسەبىنەن قالىپتاستىرىلعان زەينەتاقى جيناقتارىنىڭ ەڭ تومەنگى مولشەرى دەپ ايقىندالعان. تجش ايقىنداۋ ادىستەمەسى قازاقستان رەسپۋبليكاسى ۇكىمەتىنىڭ 2013 جىلعى 2 قازانداعى №1042 قاۋلىسىمەن (2021 جىلعى 6 قاڭتارداعى وزگەرىستەرى مەن تولىقتىرۋلارىمەن) بەكىتىلگەن.

ادىستەمەگە سايكەس, تجش مولشەرى جىل سايىن ءار جاس ءۇشىن ەسەپتەلەدى جانە بولاشاق زەينەتاقى تولەمدەرى مەن زەينەتاقى جارنالارىنىڭ ءوسۋىن (يندەكستەلۋىن) ەسكەرەدى. بۇل رەتتە قر «رەسپۋبليكالىق بيۋدجەت تۋرالى» زاڭىنا سايكەس جىل سايىن يندەكستەلەتىن ەڭ تومەنگى جالاقى, ەڭ تومەنگى زەينەتاقى, بازالىق زەينەتاقى تولەمىنىڭ ەڭ تومەنگى مولشەرى سياقتى الەۋمەتتىك كورسەتكىشتەر پايدالانىلادى.

تجش مولشەرى تۋرالى اقپارات بجزق سايتىندا جاريالانعان.