«جانۇيا» كومەك تە, كەڭەس تە بەرەدى

ورتالىق ازاماتتاردىڭ جە­كە­­لە­گەن ساناتتارىنا, ونىڭ ىشىن­دە كوپبالالى, تولىق ەمەس جانە الەۋمەتتىك از قامتىلعان وتبا­سىلارعا, مۇمكىندىكتەرى شەك­تەۋ­­لى بالالاردى تاربيەلەپ وتىر­عان اتا-انالارعا جانە ت.ب. ء«بىر تەرەزە» قاعيداتى بو­يىنشا كون­سۋل­تاتسيالىق قىزمەتتەر كەشە­نىن ۇسىنادى. وندا وتباسىنىڭ الەۋمەتتىك پروبلەمالارىن كە­شەن­دى شەشۋ جۇزەگە اسىرىلادى. اتاپ ايتقاندا, الەۋمەتتىك قولداۋدى قاجەت ەتەتىن وتباسىلار انىقتالادى, ومىرلىك قيىن جاعدايدىڭ سەبەپتەرى انىقتالادى, ونى جەڭۋگە كومەك كورسەتىلەدى, الەۋمەتتىك قورعاۋدىڭ ءارتۇرلى ما­سەلەلەرى بويىنشا كەڭەس­تەر بەرى­لە­دى جانە ت.ب.

«وتباسىنىڭ الەۋمەتتىك ماسە­لە­­لە­رىن شەشۋدەگى كەشەندى ءتاسىل «جانۇيا» ورتالىعىنىڭ بازا­سىندا مەم­لەكەتتىك جانە كۆازيمەملەكەتتىك سەكتور مەكە­مە­لەرىنىڭ قىزمەتىن ۇيىم­داس­تىرۋ ارقىلى جۇزەگە اسىرىلادى. قالا تۇرعىندارى مەن مەم­لە­كەتتىك ورگاندار اراسىنداعى بىرىڭعاي ديالوگ الاڭىندا ء«بىر تەرەزە» قاعيداتى بويىنشا 7 مەم­لە­كەتتىك ورگان مەن كۆازيمەم­لە­كەتتىك مەكەمەلەردىڭ 15 قىزمەتى بىرىكتىرىلگەن. ولاردىڭ قاتارىندا – ءبىلىم باسقارماسى, قوعامدىق دەنساۋلىق ساقتاۋ باسقارماسى, حا­لىق­تى جۇمىسپەن قامتۋ ورتالىعى, تۇرعىن ءۇي جانە تۇرعىن ءۇي ينسپەكتسياسى باسقارماسى, «وتباسى بانكى» بار», دەپ اتاپ ءوتتى اسەمگۇل سادىر.

ورتالىق ماماندارى ومىرلىك قيىن جاعدايدا جۇرگەن ءاربىر وتبا­سى­عا جەكە كوڭىل بولەدى. 2021 جىلى 432 وتباسى تەكسەرىلىپ, 289 وتباسى الەۋمەتتىك سۇيەمەلدەۋ جۇ­مى­سى­نا قابىلداندى. سونىمەن قاتار ورتالىقتا زاڭگەرلەردەن, پسيحولوگتەردەن كەڭەس الۋعا بولادى, سول سياقتى ومىرلىك قيىن جاعدايعا تاپ بولعان وتباسىلارعا الەۋمەتتىك قولداۋ كورسەتىلەدى. اناليتيكالىق ما­لىمەتتەرگە سايكەس, اشىلعان كۇنى­نەن باستاپ – 2019 جىلدان بەرى ورتالىققا پسيحولوگيالىق كومەك الۋ ءۇشىن 798, زاڭ­گەرلىك كومەك ءۇشىن 5 090 ادام جۇگىنگەن, 1 800-دەن استام ازا­ماتقا الەۋمەتتىك كومەك كورسە­تىل­گەن.

«جانۇيا» ورتالىعىندا تسيفرلى ساۋاتتىلىقتى ارتتىرۋ جانە الەۋ­مەت­تىك قىزمەتتەر پورتالى ارقىلى وزىنە قىزمەت كورسەتۋ مۇمكىندىگىن جاساۋ ماقساتىندا الەۋمەتتىك از قامتىلعان, كوپبالالى وتباسىلار, مۇمكىندىگى شەكتەۋلى بالالاردى تاربيەلەپ وتىرعان ادامدار ءۇشىن وزىنە-ءوزى قىزمەت كورسەتۋ سەكتورى ۇيىمداستىرىلدى. پورتال قىزمەتتەرى بويىنشا 18 مىڭنان استام وتىنىشكە قىزمەت كورسەتىلدى.

«اشىلعان كۇننەن باستاپ ورتا­لىق­قا بارلىعى 114 921 سۇراق بو­يىنشا 110 266 ادام جۇگىندى. «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ, الەۋمەتتىك شيەلەنىستى ازايتۋ, جەرگىلىكتى اتقارۋشى ورگاندار ارقىلى مەملەكەتتىك اپپارات قىزمەتىنىڭ تيىمدىلىگىن ارتتىرۋ ماقساتىندا, جالپى, ورتالىق بازاسىندا بەكىتىلگەن كەستە بويىنشا سانيتارلىق نورمالاردى ساقتاي وتىرىپ, اپتا سايىن ءبىرىنشى باسشىلار, مەملەكەتتىك مەكەمەلەر باسشىلارىنىڭ ورىنباسارلارى, قالالىق ءماسليحات دەپۋتاتتارى ازاماتتاردى قابىلدادى», دەدى ورتالىق ديرەكتورى.