جەل سوقسا, جارىققا جارىمايدى

باياناۋىل اۋىلىنىڭ تۇر­عى­نى, قوعام بەلسەندىسى ايبات ىدىرىسوۆ اۋا رايى قۇبىلسا, باياناۋىلدىقتار شاينەكتەرىن قايناتىپ, ۇيالى تەلەفوندارىن قۋاتتاۋعا اسىعاتىنىن ايتتى. جارىق سونسە, قاي ۋاقىتتا قو­سى­لا­تىنىن ەشكىم بىلمەيدى.

– اۋدانداعى ەلەكتر جۇيە­سى­نە قاي مەكەمە جاۋاپتى ەكە­نىن ۇعىنا الماي قويدىق. كىم جاۋاپتى بولسا دا, جىل سايىن جوندەۋ جۇمىستارىن جۇرگىزىپ, ولقىلىقتىڭ ورنىن تولتىرۋ كەرەك قوي. جارىق نەگە ءجيى سونەدى؟ سىمدار ەسكىرگەن شى­عار, وزگە دە تەح­ني­كالىق سەبەپتەر بولۋى مۇم­كىن. وسى جايلى تۇر­عىن­دار­عا دۇرىس اقپارات بەرەتىن مامان جوق. ال اي سايىنعى تۇ­بىر­تەكتە جارىق كورسەتكىشى بو­يىنشا ارتىق سوما ەسەپتەلسە, جارىقپەن «جا­رىل­قاي­تىنداردى» سوتقا بەر­سەڭ دە جەڭە المايسىڭ. ەل پرەزيدەنتى قاسىم-جومارت توقاەۆ «حالىق ۇنىنە قۇلاق اسا­تىن مەملەكەت» تۇ­جىرىم­داماسىن قابىلداپ, تۇرعىن­دار­مەن اشىق ديالوگ ورناتۋدى تاپسىرعان ەدى. ولار بولسا, ءالى كۇنگە دەيىن جارىق ماسەلەسى بويىنشا حالىق الدىندا ەسەپ بەرگەن ەمەس. اۋدان اكىمدىگى دە ماردىمدى ەشتەڭە ايتا المايدى, – دەيدى ايبات ىدىرىسوۆ.

تۇرعىنداردىڭ بازىناسىن تىڭداپ, بىردەن اۋدان اكىمى سەرىك باتىرعوجينوۆقا حابار­لاس­تىق. ول بۇل قىزمەتكە تا­عايىن­دالعانىنا كوپ ۋاقىت بول­ماسا دا, اتالعان ماسەلەدەن حاباردار ەكەنىن جەتكىزدى.

– ەسەپتىك كەزدەسۋلەر كەزىن­دە بارلىق اۋىلدى ارالاپ شىقتىم. شىنىمەن دە جا­رىق ماسەلەسى وزەكتى. كوپ جەر­دە ەلەكتر باعاندارى وتكەن عا­سىردىڭ 80-جىل­دارى سا­لى­نىپ, ابدەن توزعان. بۇل ىسكە جاۋاپتى ايماق­تا­عى مونوپوليست ۇيىم – «پاۆلودار­ەنەر­­گوسبىت» جشس باسشى­لى­عىمەن بايلانىس ورناتىپ, جاڭعىرتۋ جوبالارىن قولعا الماقپىز. بيىل اقساڭ, لەكەر جانە تاعى ءۇش ەلدى مەكەندە ەلەكتر جۇيەسىن رەتكە كەلتىرۋ جۇمىستارى جالعاسادى. وسى­­لاي­شا, كەزەڭ-كەزەڭمەن بار­لىق اۋىلداعى جارىق ما­سەلەسىن شەشەتىن بولامىز, – دەپ سەن­دىر­دى اۋدان باسشىسى.

ايماقتاعى مونو­پو­ليس­­تەر­دىڭ كەۋدەسىن كەرىپ, مۇر­نىن كوككە شۇيىرگەنىن تالاي كوردىك. ءتىپتى «قىزمەت كور­سەتۋدەن باس تارتامىز» دەپ جىلۋعا جا­ۋاپتى مەكە­مە­نىڭ وبلىس اكى­مىنە سەس كورسەتكەنى بار. ايت­پاعىمىز, بايان­اۋىل­دا­عى جا­رىق ماسەلەسى جارتى جولدا قالىپ قويماسا ەكەن.

پاۆلودار وبلىسى,

باياناۋىل اۋدانى