وڭتۇستىك كورەيا رەسپۋبليكاسىندا وپپوزيتسيا پارتياسىنىڭ كانديداتى يۋن سوك يول پرەزيدەنتتىك سايلاۋدا جەڭىسكە جەتتى. بۇل تۋرالى بەيسەنبى كۇنى كورەيانىڭ ورتالىق سايلاۋ كوميتەتى ءمالىم ەتتى, دەپ حابارلايدى Egemen.kz Yonhap اگەنتتىگىنە سىلتەمە جاساپ.
يۋن سوك يول 48,56% داۋىس جينادى, ال ونىڭ نەگىزگى قارسىلاسى بيلىكتەگى «توبۋرو» دەموكراتيا پارتياسىنىڭ كانديداتى لي چجە ميون 47,83 % داۋىس جيناپ, جەڭىسكە جەتە الماي قالدى. پرەزيدەنتتىك جارىستا ءۇشىنشى بولعان سيم سان چجون سايلاۋشىلاردىڭ 2,37% داۋىسىن جيناعان.
ۇلتتىق جينالىستا ءسوز سويلەگەن جاڭا پرەزيدەنت ءوزىنىڭ نەگىزگى ماقساتىنىڭ ەل ازاماتتارىنىڭ بىرلىگىن نىعايتۋ ەكەنىن اتاپ ايتىپ, جاقتاستارىنا العىس ءبىلدىردى. يۋن سوك يول وپپوزيتسيامەن بىرگە حالىققا قىزمەت ەتەتىنىن جەتكىزدى. ول ءوزىنىڭ جەڭىسىن « ۇلى ادامداردىڭ جەڭىسى» دەپ اتادى.