وڭتۇستىك كورەيادا پرەزيدەنت سايلاۋى ءوتىپ جاتىر

قازىرگى پرەزيدەنت مۋن چجە ينا كونستيتۋتسياعا سايكەس قايتا سايلانا المايدى. نەگىزگى تارتىس بيلەۋشى «توبۋرو»ليبەرالدى دەموكراتيالىق پارتياسىنان تۇسكەن ۇمىتكەر لي چجە مين مەن «ازاماتتىق كۇش» ءىرى وپپوزيتسيالىق كونسەرۆاتيۆتى پارتيانىڭ وكىلى يۋن سوك ەلەم اراسىندا وتەدى.

مالىمەت بويىنشا, ساۋالناما قورىتىندىسىنا سايكەس ەكەۋى دە رەسپوندەنتتەردىڭ شامامەن 40 پايىز داۋىسىن جيناپ, جەڭىسكە جەتۋ مۇمكىندىگىنە يە. ال وزگە دە سايلاۋعا تۇسۋشىلەر 10 پايىزدان تومەن رەيتينگكە يە جانە اشىق اۋتسايدەر بولىپ سانالادى.

داۋىستاردى ساناۋ سايلاۋ ۋچاسكەلەرى جابىلعاننان كەيىن بىردەن باستالادى. سايلاۋ وڭتۇستىك كورەيادا COVID-19 ءورشىپ تۇرعان ۋاقىتتا ءوتىپ جاتقانى اتاپ ءوتىلدى. بۇعان دەيىن بيلىك كارانتيندەگى جۇزدەگەن مىڭ ازاماتتىڭ سايلاۋ ۋچاسكەلەرىنە كەلۋىنە رۇقسات بەرگەن بولاتىن.يو

جەرگىلىكتى ۋاقىت بويىنشا ساعات 13:00-دە (نۇر-سۇلتان ۋاقىتى بويىنشا 10:00) باستالعان سايلاۋعا 44,2 ميلليون ازامات قاتىسادى. 5 جانە 6 ناۋرىزدا وتكەن مەرزىمىنەن بۇرىن داۋىس بەرۋگە قاتىسۋ ەل ءۇشىن رەكوردتىقتالعان ساورسەتكىش بولدى: ەكى كۇننىڭ ىشىندە 16,3 ميلليون سايلاۋشى (36,9 پايىز) ءوز داۋىسىن بەردى.

ۇلتتىق سايلاۋ كوميسسياسىنىڭ مالىمەتى بويىنشا, داۋىس بەرۋ تاڭعى ساعات 6-دا باستالعاننان بەرى بۇكىل ەل بويىنشا داۋىس بەرۋگە قۇقىعى بار 44,2 ميلليون ازاماتتىڭ 27 ميلليونى 14 464 سايلاۋ ۋچاسكەسىندە داۋىس بەردى.