يسلامابادتاعى ارنايى سوت پاكستاننىڭ بۇرىنعى پرەزيدەنتى پەرۆەز مۋشاررافقا رەسمي تۇردە مەملەكەتكە ساتقىندىق جاسادى دەگەن ايىپ تاقتى. بۇل تۋرالى Utro.ru حابارلادى.
2007 جىلدىڭ 3 قاراشاسىندا ەكس-پرەزيدەنت پاكستان كونستيتۋتسياسىنىڭ قىزمەتىن توقتاتىپ, ەلدە توتەنشە جاعداي ەنگىزگەن بولاتىن. ال پاكستان زاڭدارىنا سايكەس, مەملەكەتكە ساتقىندىق جاسادى دەپ تانىلعان ادام ءومىر بويىنا تۇرمەگە قامالۋ نەمەسە ءولىم جازاسىنا كەسىلەدى.
پ.مۋشارراف بيىلعى جىلدىڭ 2 قاڭتارىندا جۇرەك تالماسىنا ۇشىراپ, اۋرۋحاناعا جاتقىزىلدى. ەكس-پرەزيدەنتتىڭ قورعاۋشىلارى سوتقا ونى ەمدەۋ ءۇشىن اقش-قا جىبەرۋ جونىندە ءوتىنىش بىلدىرگەن بولاتىن. الايدا, سوت ءوتىنىشتى قابىلداماي, ەكس-پرەزيدەنتتى اسكەري كارديولوگيالىق اۋرۋحاناعا جاتقىزۋعا رۇقسات ەتتى.
ايدار ورىسباەۆ.
دەرەككوز: Utro.ru.
فوتو: Ap.org.