ناۋرىزدىڭ 29-نان 30-نا قاراعان ءتۇنى گەرمانيادا «Team Germany» - «Astana Arlans» كوماندالارى اراسىندا WSB سەرياسىنىڭ شيرەك فينالدىق ءبىرىنشى پلەي-وفف ماتچى ءوتىپ, ءبىزدىڭ جاساق 3:2 ەسەبىمەن ۇتتى. بۇل تۋرالى egemen.kz حابارلادى.
رينگكە ءبىرىنشى بولىپ 49 كيلوعا دەيىنگى ءبىزدىڭ تەمىرتاس ءجۇسىپوۆ پەن الاڭ يەلەرىن قۇرامىنداعى رۋمىن لەگيونەرى وۆيديۋ بەرچانۋ كوتەرىلدى. جەكپە-جەك قازاقستاندىق سپورتشىنىڭ باسىمدىعىمەن ءوتتى. ەسەپ – 3:0 (50:45, 50:45, 50:45).
ال 56 كيلوعا دەيىنگى سالماقتاعى شايقاستى جۇرتتىڭ ءبارى اسىعا كۇتتى. سەبەبى, نەمىستەر جاساعى ساپىنداعى يرلاند بوكسشىسى, لوندون وليمپياداسىنىڭ قولا جۇلدەگەرى مايكل كونلان شىعاتىن ەدى. ونىڭ قازاقستاندىق مەيىربولات تويىتوۆپەن ايقاسى شىنىندا قىزىقتى بولىپ شىقتى. بىراق تاجىريبەسى مەن اتاعى كوپ بريتانيالىق بوكسشى ءبىزدىڭ بىردە-ءبىر اتاعى جوق, ءتىپتى قازاقستان چەمپيوناتىندا جۇلدەگەر دە بولىپ كورمەگەن جىگىتىمىزدى 3:0 (50:45, 50:45, 50:45) ەتىپ ەركىن ۇتتى. وسىلاي كوماندالىق ەسەپ تەڭەستى.
ءبىزدىڭ ساڭلاقتار ءۇشىنشى شايقاستا تا جول بەرىپ قويدى. اتاپ ايتقاندا, 64 كيلوداعى اسحات گەرمانيالىقتار نامىسىن قورعاعان ارميان لەگيونەرى ارتەم ارۋتيۋنياننان ۇتىلدى – 0:3 (46:49, 47:48, 46:49).
ەسەسىنە, ءتورتىنشى جەكپە-جەكتە وسى كەزدەسۋدەگى قازاقستان كومانداسى قۇرامىنداعى جالعىز لەگيونەر – ۋكراين سەرگەي دەرەۆيانچەنكو نەمىستەردىڭ رۋمىن لەگيونەرى دەنيسوم روبەرتوم رادوۆانوم ايقىن باسىمدىقپەن تىزە بۇكتىرىپ, جالپى ەسەپتى تەڭەستىردى. ول 3:0 (50:45, 50:45, 50:45) ەسەبىمەن باسىم ءتۇستى.
سوندىقتان ءبارىن 91 كيلوعا دەيىنگى ارتۋر مانن مەن ۆاسيلي لەۆيتتىڭ كەزدەسۋى شەشتى. قۋانىشتىسى, ۆاسيا وسى جاۋاپكەرشىلىكتى جاقسى سەزىنىپ, گەرمانيالىقتار كومانداسىنداعى جالعىز نەمىس جىگىتىن 3:0 (50:44, 50:45, 50:45) ەتىپ ۇتىپ شىقتى.
ءسويتىپ, ءبىرىنشى شيرەك فينالدا استانالىقتار 3:2 ەسەبىمەن ۇتىپ كەتتى.
ەكىنشى, قارىمتا كەزدەسۋ 5 ءساۋىر كۇنى الماتىدا وتەدى.
دامير قوجامقۇل.
دەرەككوز: egemen.kz.
فوتو: Sports.kz.