ۇلتتىق قاۋىپسىزدىك كوميتەتى 2 ناۋرىزدان بەرى ءىز-ءتۇزسىز كەتكەن ساربازعا ىزدەۋ سالدى, دەپ حابارلايدى Egemen.kz.
ۇقك شەكارا قىزمەتىنىڭ جامبىل وبلىسى بويىنشا دەپارتامەنتى 2 ناۋرىزدا جوعالىپ كەتكەن «انداس باتىر» شەكارا بولىمشەسىندە مەرزىمدى قىزمەت وتكەرىپ جۇرگەن اسكەري قىزمەتشى قاتارداعى جاۋىنگەر ۇلىقبەك ايداربەك ۇلى بەرديشەۆتى ىزدەپ جاتىر.
ىزدەۋگە جامبىل وبلىسى بويىنشا شەكارا قىزمەتىنىڭ دەپارتامەنتى مەن پوليتسيا دەپارتامەنتىنىڭ كۇش-قۇرالدارى جۇمىلدىرىلعان.
وسى فاكت بويىنشا تەرگەۋ جانە قىزمەتتىك تەكسەرۋ ءجۇرىپ جاتىر. ۇ. بەرديشەۆكە قاتىستى قانداي دا ءبىر اقپارات بىلەتىندەر مىنا تەلەفون نومىرلەرىنە حابارلاسقانى ابزال: 110 (ۇقك سەنىم تەلەفونى), 87172719458 (شەكارا قىزمەتىنىڭ سەنىم تەلەفونى).